"ခို" သို့မဟုတ် မြို့ပြ အန္တရာယ်

ကုသိုလ်ရရာ ရကြောင်းဆိုတဲ့ အကြောင်းပြချက်ပဲဖြစ်ဖြစ်၊ တိရိစ္ဆာန်တွေကို သနားကြင်နာလို့ပဲဖြစ်ဖြစ်၊ ယတြာချေတာပဲဖြစ်ဖြစ် မြန်မာနိုင်ငံတင်မကပဲ ကမ္ဘာတ၀န်း ခိုတွေကို အစာကြွေးကြပါတယ်။ ခိုစာကြွေးတာ ကုသိုလ်ကောင်းမှူ ဖြစ်မဖြစ် ဒီနေရာမှာအငြင်းမပွားလိုပါဘူး ဒါပေမယ့် ဒီစာစုကို ဆက်ဖတ်ရင်းမိမိဖာသာ သုံးသပ်မိလာပါလိမ့်မယ်။ ခိုစာကြွေးတာ ခိုတွေကိုသနားရာလုံးဝ မရောက်ပဲ လမ်းမထက်မှာကား မဆိုထားနဲ့ ဆိုက်ကားကို တောင်မရှောင်နိုင်တဲ့ ခိုတွေတိုးပွားအောင်အားပေးရာပဲရောက်ပါတယ်။ ဘာကြောင့်ခိုတွေကို အစာမကြွေးသင့်သလဲဆိုတဲ့ အကြောင်းပြချက် အများကြီးရှိပေမယ့် အဓိကအားဖြင့် ကျွန်ုပ်တို့ရဲ့ ပါတ်ဝန်းကျင်ကိုထိခိုက်ပျက်စီးစေပြီး ကျေးငှက်သဘာဝ ကိုလည်းထိခိုက်ပျက်စီးစေလို့ဖြစ်ပါတယ်။

ခိုတွေများလာတာ ကျန်းမာရေးအန္တရာယ်

ကျွန်တော်တို့ အနီးအနားပါတ်ဝန်းကျင်မှာခိုတွေ အထိန်းအကွပ်မရှိတိုးပွားလာခြင်းဟာ မြို့ပြလူနေမှူ့စနစ်အတွက် ပြဿနာမျိုးစုံတိုးပွားလာခြင်းပဲဖြစ်ပါတယ်။ နေရာတကာ မှာအဆက်မပြတ်ဆိုသလို စွန့်ပစ်ချနေတဲ့ ခိုအုပ်ကြီးတွေရဲ့ အညစ်အကြေးတွေဟာ အများပြည်သူ သွားလာနေတဲ့ပလက်ဖောင်းတွေ၊ သာသနိကအဆောက်အဦတွေ၊ ရုံးတွေ အစရှိတဲ့ နေရာတွေမှာ အနံ့အသက် အမှုန်အမွှား တွေနဲ့ အော်ကလီဆန်စရာ ဖြစ်စေရုံမျှ မကပဲ ကလေးသူငယ်တွေ၊ သက်ကြီးရွယ်အိုတွေ၊ အသက်ရှုလမ်းကြောင်းဆိုင်ရာရောဂါခံစားနေရသူတွေအတွက် အသက်အန္တရာယ် ကိုပါခြိမ်းခြောက်လာနိုင်တဲ့ ရောဂါပိုးတွေကို အရှိန်အဟုန်နဲ့ ဖြန့်ဖြူးပေးနေတာလဲဖြစ်ပါတယ်။ ရာနဲ့ချီတဲ့ ခိုတွေနားနေတတ်လို့ ဓါတ်ကြိုးတွေ၊ တယ်လီဖုန်းကြိုးတွေ မကြာခဏ ပြတ်ကျတာမျိုး ဖြစ်လေ့ရှိပါတယ်။ ခိုတွေ ရဲ့ အသိုက်တွေဟာ အဖိုးတန်အဆောက်အအုံတွေရဲ့ အမိုးတွေ၊ ပြဿတ်တွေ၊ မျက်နှာကျက်တွေ ကိုပျက်စီးစေရုံမျှမကပဲ ခိုသိုက်တွေရဲ့ အမှိုက်သရိုက်တွေဟာ ရေတံလျှောက်တွေ၊ ပိုက်လိုင်းတွေကို ပိတ်ဆို့စေပါတယ်။ နောက်ပြီး အသိုက်ထဲမှာ ကျန်နေတတ်တဲ့ လှေးတွေ၊ မွှားတွေဟာ လူတွေ အိမ်မွေးတိရိစ္ဆာန်တွေဆီကို အလျှင်အမြန်ပဲ ကူးဆက်သွားလေ့ရှိပါတယ်။ ခိုစာ တွေ ဟာအမှိုက်တွေဖြစ်သွားသလို ကြွက်တွေကို အထူးသဖြင့်စွဲဆောင်ပါတယ်။ ကာလ အတန်ကြာခိုစာရောင်း၊ ခိုစာကြွေးနဲ့ နေရာတွေကို ကြည့်ရင် ခိုမွှေးတွေ၊ ခိုချေးတွေ တင်မကပဲ ခိုစာရောင်းသူရဲ့ မနီးမဝေး ကြွက်တွင်းတွေ၊ မြောင်းဘောင်တွေ မှာ ပြူတစ်ပြူတစ် လုပ်နေတဲ့ အမွှေးရှည် မြေကြွက်ကြီးတွေကို ရွံရှာဖွယ် တွေ့ရလေ့ရှိပါတယ်။

ခိုမှတဆင့်ကူးဆက်တတ်သောရောဂါများ

ခိုတွေဟာ ယုံနိုင်လောက်စရာမရှိအောင်များပြားလှတဲ့ လူကိုကူးဆက်နိုင်တဲ့ရောဂါပိုးတွေ ကို သည်ဆောင်ထားပါတယ်။ ခိုတွေအတွက် ကံကောင်းပြီး လူနဲ့သဘာဝပါတ်ဝန်းကျင်အတွက် ကံမကောင်းစေတဲ့ အချက်က ခိုတွေကိုအစာအဖြစ်စားတဲ့ တိရိစ္ဆာန် အလွန်တရာ နည်းတဲ့အတွက် ခိုအုပ်ကြီးတွေရဲ့အရေအတွက်ဟာ အရှိန်အဟုန်နဲ့ သိသိသာသာပဲတိုးပွားနေပါတယ်။ အခြေခံအားဖြင့် ရောဂါဖြန့်ဖြူးရာ မူလပထမက ခိုချေးပဲဖြစ်ပါတယ်။ ရောဂါရှိတဲ့ ခိုရဲ့ ချေးထဲမှာ ဗိုင်းရပ်စ် ဒါမှမဟုတ် ဘက်တီးရီးယားတွေ ရှိနေပါတယ်။ အဲဒီခိုချေးတွေ ခြောက်သွေ့သွားတဲ့ အခါ ဖုန်မှုန့် အဖြစ်လေနဲ့ အတူ အရပ်ရှစ်မျက်နှာကို လွင့်တော့တာပါပဲ။ အဲဒါကို ရှုမိတဲ့ သူကတော့ ခိုကပေးတဲ့ ရောဂါရ ဖို့သေချာပြီပေါ့။ ယေဘုယျအားဖြင့် ခိုကနေကူးဆက်တတ်တဲ့ရောဂါလေးမျိုးရှိတယ်လို့ဆိုတယ်။

၁။ ခရစ်ပ်တိုကွတ်ခယ် ဦးနှောက်အမြှေးယောင်ရောဂါ (Cryptococcal Meningitis)

ခိုတွေသည်ဆောင်လာတတ်တဲ့ရောဂါပိုးတွေကြောင့်ဖြစ်တဲ့ ရောဂါထဲမှာအန္တရာယ်အရှိဆုံးလို့ဆိုနိုင်တဲ့ ဦးနှောက်အမြှေးယောင်ရောဂါကြောင့်ကာလအတန်ကြာသတိလစ်သွားနိုင်ပြီး အသက်ပြန်မလည်လာတော့ပဲ အသက်ဆုံးရှုံးမှူတွေထိဖြစ်နိုင်တဲ့ရောဂါဖြစ်ပါတယ်။

၂။ အူလမ်းကြောင်းမှာဖြစ်တဲ့ရောဂါပိုး နှစ်မျိုး (Salmonella and Listeria)

ခံတွင်းသို့မဟုတ် အသက်ရှူလမ်းကြောင်းမှတဆင့် ၀င်သွားတဲ့ ခိုချေးတွေကြောင့် အူလမ်းကြောင်းမှာ တိုက်ဖွိုက် ကဲ့သို့ အူယောင်ငန်းဖျားရောဂါရောဂါ ဟာ ကိုယ်ဝန်ဆောင်မိခင်တွေနဲ့ ကလေးငယ်တွေအတွက် အသက်အန္တရာယ် ထိခိုက်စေရုံမျှ မကပဲ ကိုယ်ဝန်ပျက်ကျခြင်း၊ လမစေ့မီ မွေးဖွားခြင်းတွေကိုလဲ ဖြစ်စေပါတယ်။

၃။ ဦးနှာက်မြှေးယောင်ရောဂါပိုး နောက်တမျိုး (Viral Encephalitis)

အထက်ပါ ဗိုင်းရပ်ပိုးကြောင့်ဖြစ်တဲ့ ဦးနှောက် အမြှေးပါးရောင် ရောဂါ ကြောင့် ယာယီ အာရုံကြောနဲ့ပါတ်သက်တဲ့ ရောဂါဝေဒနာမှ နာတာရှည်ဖြစ်ပြီး အသက်ဆုံးရှုံးမှူတွေဖြစ်စေနိုင်ပါတယ်။

၎။ ၀မ်းပျက်ဝမ်းလျှောရောဂါပိုး (E. Coli)

ဝမ်းပျက်ဝမ်းလျှောရောဂါပိုး (E. Coli) ဟာလဲ ခိုချေးထဲမှာ ပါလေ့ရှိပါတယ်။ ခိုတွေ အများကြီးရှိတတ်တဲ့ နေရာတွေမှာ ချက်ပြုပ်တာ မသန့်ရှင်းတာ၊ လက်ကိုစင်ကြယ်အောင် ဆပ်ပြာနဲ့ မဆေးကြောတာတွေ့ကြောင့် ၀မ်းပျက်ဝမ်းလျှောရောဂါပိုးတွေဟာ လူကို အလျင်အမြန်ကူးဆက်ပြီးဆိုးဝါးတဲ့ ရောဂါဝေဒနာကို ဖြစ်စေပါတယ်။

ခိုတွေကိုအစာကျွေးခြင်းဟာ အလွန်အကျွံပေါက်ပွားမှူကိုအားပေး

ခိုများကို အစာကျွေးခြင်းဟာအလွန်အကျွံမျိုးပွားမှူကိုဖြစ်စေပါတယ်။ ပုံမှန်အားဖြင့် ခိုမတွေဟာ တစ်နှစ်မှာ နှစ်သားကနေ သုံးသားပေါက်ပြီး တစ်ခါဥရင် နှစ်ဥ ဥလေ့ရှိပါတယ်။ ဒါပေမယ့် အလွန်အကျွံ အစာကျွေးလေ့ရှိတဲ့ မြို့ကြီးတွေမှာ ခိုတွေဟာ တစ်နှစ်ကို ရှစ်ဆ အထိမျိုးပွားနိုင်ပါတယ်။

ခိုစာကျွေးခြင်းဟာ ခိုများကိုထိခိုက်စေ

တကယ်တော့ခိုစာကျွေးခြင်းဟာ ခိုများအတွက်ကောင်းကျိုးလုံးဝ မဖြစ်စေပါဘူး။ သူတို့ရ သဘာအလေ့အထ အတိုင်းအစာထိုးယက်ရှာဖွေစားသောက်ရှင်သန်တတ်မှူကို ပျောက်ဆုံးစေပါတယ်။ အလွန်အကျွံများပြားလှတဲ့ ခိုအုပ်ကြီးတွေဟာ ကျန်းမာရေးနဲ့မညီညွတ်တဲ့ ပါတ်ဝန်ကျင်ညစ်ညမ်းမှုကိုဖြစ်စေပြီး သဘာဝအတိုင်းရှင်သန်ကျက်စားနေတဲ့ ပါတ်ဝန်းကျင်က တခြား ငှက်တွေကိုလဲထိခိုက်ပျက်စီးစေပါတယ်။ ခိုအုပ်ကြီးရင်ကြီးသလို ပျက်စီးထိခိုက်မှု့လဲကြီးမားလာပါတယ်။

သင်နဲ့ သင့်ပါတ်ဝန်းကျင် ကျန်းမာသန့်ရှင်းစေရေး နဲ့ ခိုများအလွန်အကျွံပေါက်ပွားလာခြင်းမှ ကာကွယ်ရန် ခိုစာလုံးဝ မကျွေးရန်အရေးတကြီးလိုအပ်ပါတယ်။

မှတ်ချက်။         ။ခိုနဲ့ ပါတ်သက်၍ရတတ်သောရောဂါ များအကြောင်းရှင်းပြသော အစ်မကိ ကိုကျေးဇူးအထူးတင်ပါတယ်။

 Photo Credit:
1st Image: pigeons attack girl in China http://wearenotsoulsofunknownorigin.blogspot.com

2nd Image: https://solomamalife.wordpress.com
3nd Image: babble.com 
4th Image: denwai.org
5th Image: https://solomamalife.wordpress.com
ဒုတိယပိုင်း ဖျောက်ထားမည့်စာ

ဆက်ဖတ်ကြည့်မယ်...

ပြန်သိမ်းပေးခဲ့မယ်....

ကြက်ဖင်

မြန်မာဘီလုံးငှက် (Burmese Bush Lark)၊ စူဠာမဏီဘုရားအနီး၊ ပုဂံ

မြန်မာနိုင်ငံငှက် အသင်းက နေပြီး ပရော်ဖက်ရှင်နယ် ငှက်ကြည့်ဧည့်လမ်းညွှန်သင်တန်း ဟိုတလောက စ ပြီးဖွင့်ပေးတာသိရပါတယ်။ တက်ချင်ပေသော်ငြား စခန်းသွင်း သင်တန်းကာလ က နှစ်လ ဆိုတော့ နှစ်နာရီတောင် မနည်း ကြိုးစားပြီး အချိန်ပေးရတဲ့ ကျနော့်ခမြာ မတက်နိုင်ရှာတော့ပါ။ အရင်ကတော့ ကိုယ့်ဖာသာ ဘိုင်နိုကူလာလေးဆွဲ ပြီး၊ ဦးထုပ်ကလေးဆောင်း၊ ရေတပုလင်း ဆွဲပြီး အိမ်နားက အပင်တွေ မှာ ငှက်လိုက်ခြောင်းတာပဲ။ " မေ့.. သား အပြင် ခန သွားလိုက်ဦးမယ်" ဆိုရပြီ။ အမေလုပ်တဲ့ သူ ကြားကြား မကြားကြား။ ပြောပြီး လှစ်ခနဲ ထွက်သွားလိုက်တာပဲ။ ပြန်ချင်တဲ့ အချိန်ပြန်။ အိမ်ကလဲ လယ်ကွင်းတွေကို ဖော်ပြီးမှ ဖြစ်လာတဲ့ ဆင်ခြေဖုန်းက မြို့သစ်ဆိုတော့ တောငွေ့ တောရနံ့ နဲ့ ငှက်မျိုး စုံတွေ့ရတယ်။ နေ့လည်ပိုင်း လူခြေတိတ်ချိန် ဆိုရင် အကောင်းဆုံးပဲ။ နေပူပူ သစ်ပင်ရိပ်ကျဲကျဲ အောက် ကနေပြီး နားနေတဲ့ ငှက်ကလေး တွေခြောင်းရတာ အရသာ အရှိဆုံးပဲ။ သဘာဝ အတိုင်း၊ ဟက်ဘစ်တက် အတိုင်း နေထိုင်ကျက်စား အော်မြည်နေတဲ့ ငှက်ကလေးတွေရဲ့ အမျိုးအစား နဲ့ သဘာဝ ကိုအေးအေးဆေးဆေး လေ့လာနိုင်တယ်။ အဲဒါကို ကျနော့် ချစ်ညီမတွေက ငှက်ဖင်လိုက်ခြောင်း တယ် လို့ ၀ိဂြိုဟ် ပြုတယ်။ နည်းနည်း တော့မှန်တယ်။ အပင်အောက် တည့်တည့်က နေ အပေါ်မှာရှိတဲ့ ငှက်ကို ကြည့်ရင် အောက်ပိုင်း မြင်ကွင်းပဲ မြင်ရတာကိုး။ တယ်လီလဲ အဆင်မသင့်တော့ အဝေးအပင်တွေက ငှက်တွေကို မကြည့်နိုင်ဘူး။ နီးစပ်ရာပဲ ကြည့်နိုင်တယ်။

ကြာဖက်နင်း (Pheasant-tailed Jacana)၊ အင်းလေးကန်

တခါတလေတော့လဲ ငှက်ဝါသနာရှင်တွေ စုပြီး နီးရင် လှော်ကားဥယျာဉ်၊ လှော်ကားရေဝေရေလဲတော၊ သာဓုကန်၊ မှော်ဘီ ပန်းတပွင့်တောင်၊ ခရမ်း-သုံးခွ စသဖြင့် သွားပြီး ဝေးရင် မိုးယွန်းကြီး၊ ဖိုးကျားဆင်စခန်း ကစလို့ မင်းစုံတောင်၊ နတ်မတောင်၊ အင်းတော်ကြီး စသဖြင့် မြန်မာပြည် တနံတလျား သွားကြတယ်။ တချို့ ဆို ခါကာဘိုရာဇီ ဘေးမဲ့တော့ အထိရောက်ကြတယ်။ အဲဒီကိုသွားကြလို့ ဘဲ နောင်မွန်းနားမှာ နောင်မွန်းဘာဘလာ ဆိုတဲ့ မြန်မာမျိုးရင်း ငှက်မျိုးစိတ် အသစ်ဂုဏ်ယူစရာ ထပ်တွေ့တာပေါ့။ ကျနော် လဲ အစစ အရာရာ အဆင်သင့်လို့ ကတော့ ခရီးစဉ်တိုင်းကို လိုက်ချင်တာပဲ။ နောက်ပိုင်းတော့ အလုပ် သဘော အရ မြန်မာပြည်   နေရာတော်တော် များများ သွားဖြစ် တော့လဲ ကျွဲကူးရေပါ ဘိုင်နိုကူလာလေး ဆွဲသွားပြီး ရောက်တဲ့ နေရာကြည့် ဖြစ်တာပဲ။ ငှက်ကြည့်ရတဲ့ အထဲမှာ ပုဂံနဲ့ အင်းလေး ကို တော်တော် သဘောကျမိတယ်။ ပုဂံမှာ ဆိုရင် မြန်မာ့ငှက်စစ်စစ် ဘီလုံး၊ နဖားကြူးနဲ့ စွေ့ တို့ ကို ထနောင်းပင်၊ ကန္တာရပင် တွေ ကြား၊ ဘုရားကြိုဘုရားကြား နေရာ တကာ တွေ့ ရပါတယ်။  အင်းလေးမှာ ကျတော့ ရေလည်ကောင် က ဟိုတယ် ကော့တေ့ခ်ျ ရဲ့ ၀ရံတာမှာ ထိုင်ပြီး ကိုယ့်မြင်ကွင်းထဲ ၀င်လာတဲ့ နာမည်ကျော် ကြာဖက်နင်း တွေကို ဘီယာ တလုံး နဲ့ ထိုင်ကြည့် ရတာ ဇိမ်အရှိဆုံးပေါ့။ 

သမုဒ္ဒယာ ၀မ်းတထွာကြောင့် ဇာတိချက်ကြွေ အမိမြေကို ပစ်ခွာပြီး မလေးရှား နဲ့ အင်ဒိုနီးရှား နိုင်ငံတွေကို ရောက်တော့လဲ အခါအားလျော်စွာ အခွင့်အရေးရရင် ရသလို ငှက်ခြောင်းလာတာ ပါစင်နယ် နုတ်အနေနဲ့ ငှက် မျိုးစိတ်ပေါင်း တစ်ရာကျော် မှတ်တမ်းတင်နိုင်ခဲ့ပါတယ်။ ၀ါသနာတူ ငှက်ခြောင်းဖော် တွေနဲ့ တွေ့ရင် လူမျိုး ဘာသာစကား ဘယ်လောက်ကွဲပြားပြား အချိန်ကုန်လို့ ကုန်မှန်းမသိ ပြောမဆုံးပေါင် တော်သုံးတောင်ပါပဲ။ ငှက်ကြည့် ခရီးစဉ်တွေသွားမယ် ဆိုတဲ့ အသံကြားရင် ထိပ်ဆုံးက လိုက်ချင်တယ်။ စာရင်းတို့ထားပြီးသား။

AATO @ Sapi Island Rainforest, Malaysia Borneo

အချစ်ဆုံး အိမ်သူသက်ထား ဇနီးမယား ခင်နဲ့ အိမ်ထောင်ကျခါစ နှစ်လလောက် မှာ ငှက်ခြောင်းဖော် ကိုကိုမမ တွေက မှော်ဘီက ပန်းတစ်ပွင့်တောင် ကို နေ့ချင်းပြန် ငှက်သွားကြည့် မယ်ဆိုပြီး အော်ဂနိုက် လုပ်ပါတယ်။ ဟောဒီက ကိုအေအေတူ ကလဲ စာရင်းပေးပြီးသားပဲ။ အစီအစဉ်က အားလုံး လှည်းတန်းလမ်းဆုံမှာ မနက် ငါးနာရီ အားလုံး ဆုံမယ်။ ငါးနာရီခွဲလောက် လူစုံရင် ထွက်မယ်။ ထမင်း ဗူးဘာညာ ယူလာစရာမလိုဘူး။ ကိုယ့်မှန်ဘီလူး၊ ကိုယ့်ဖီးလ်ဂိုက်ပါရင် ရပြီ ပေါ့။ ဆိုတော့..ခင့်ကို သွားရမလားလို့ မေးတော့ သွားပေါ့...တဲ့။ အဲဒါနဲ့ မနက် လေးနာရီ ထ။ ကျောပိုးအိတ်ကလေးထဲ ကို မှန်ဘီလူး နဲ့ ဖီးလ်ဂိုက်စာအုပ်ထည့်။ ရေပုလင်းလေးထည့် နေတုန်း အခန်းထဲက ၀ုန်းကနဲ အသံကြားတယ်။ ခင်..ဘာလဲ..လို့ မေးတော့ ဘာမှမဟုတ်ဖူး..တဲ့ သွားလေ..တဲ့။ လေးနာရီ က ခွဲခါနီးနေပြီ။ အဲသာ..နဲ့ တောစီးဘိနပ်လေး စီးနေတုန်း နောက်ထပ် ၀ုန်း ကနဲ အသံကြားရပြန်..ရော။ ဘာဖြစ်တာလဲ...ခင်... ဆိုတော့ သွားလေ...ဘာမှမဖြစ်ပါဘူး ဆိုပြီး ပြောပြန်ရော..။ ငါးနာရီထိုးရော။ လှည်းတန်းက အဖွဲ့တွေကို နည်းနည်း နောက်ကျမယ့် အကြောင်းဖုန်းဆက်ပြောလိုက်တယ်။ အဲသာ...နဲ့ တံခါးလေးဂျက်ကလေး ဖွင့်ပြီး အပြင်ထွက်မယ်လုပ်လိုက်တော့ အခန်းထဲက အသံထပ်ထွက်လာပြန်တယ်။ ဒီတခါကျတော့ သွားရဲရင် သွားကြည့်လေ ဖြစ်သွားပြီ။ ၀ုန်းဒိုင်း အသံတွေက လဲ အာဠာဝက တိုက်သလို ကျယ်လာတယ်။ ဟဲဟဲ.. လှည်းတန်းက အဖွဲ့တွေကို မလိုက်ဖြစ်တော့ဘူးလို့ မျက်နှာပူပူ နဲ့ ဖုန်းဆက်လိုက်ရတယ်။ 

တော်တော် ညံ့တဲ့ အေအေတူ ကိုယ့်အချစ်ဆုံး အိမ်သူသက်ထား ပူပူနွေနွေး ဇနီးမယား ရဲ့ မွေးနေ့ ကိုသတိမရဘူး ငှက်ဖင် သွားခြောင်းဖို့မနက်အစောကြီးထ ပြီးတက်ကြွတဲ့ကြက်ဖ လုပ်နေတယ်။ အနှစ်ချုပ်ရင် အဲသည် သတင်း မာတာပီတ မိနဲ့ဖ ဆီရောက်တယ်။ မေမေ ကမှတ်သားစရာ တိုတိုတုပ်တုပ် ဆုံးမတယ်။ 

ငါ့သား.. မင်းလဲ ကိုယ့်အိမ်ထောင်နဲ့ ကိုယ်ဖြစ်နေပြီ။ ငှက်ဖင်ချည့်ပဲ မကြည့်နဲ့ ကြက်ဖင်လဲ ကြည့်ဦး.. တဲ့။ (ကြက်ဖင် ဆိုတာ ကြင်ဖက်....ပေါ့တဲ့)။ ခိခိ။ 

မှတ်ချက်။             ။ မရေးတာကြာလို့။ ဘလော့ဒေးမှာ မဖြစ်မနေအားတင်းပြီးရေးလိုက်တယ်။ အမှတ်တရ ဖြစ်စေသော်ဝ်။

ဆက်ဖတ်ကြည့်မယ်...

ပြန်သိမ်းပေးခဲ့မယ်....

ဂျာမူး ဂျာမူး

အင်ဒိုနီးရှား ကိုတာဝန် အသစ်နဲ့ မပြောင်း ခင်မှာ လုပ်ငန်းနဲ့ ပတ်သက်တဲ့ သင်တန်း တက်ဖို့ အရင်ရောက်ခဲ့ရပါတယ်။ ဘာလီက ဒန်ပါဆာလေဆိပ်ကို ပထမဦးဆုံး ခြေချ မိတဲ့ အခါမှာ ကတည်းက ဘာလီ နဲ့  ဘာလီကျွန်းသူကျွန်းသား တွေဟာ ကိုယ်နဲ့ မစိမ်း သလိုလို၊ အရင်တုန်းက ပဲ ရောက်ခဲ့ ဖူးသလိုလို ခံစားမှု မျိုး ဖြစ်ပေါ်လာပါတယ်။ ဘာလီကျွန်း ရဲ့ နာမည်ကျော် ဂျင်ဘာရမ် ကမ်းခြေက ဟိုတယ် (Seri Segara Hotel သီရိသမုဒ္ဒရာ ဟိုတယ်လို့ ဘာသာပြန်ရမယ်) မှာ ရက်သတ္တပါတ် နှစ်ပါတ်လောက် နေပြီး ရုံးကို အကြိုအပို့ လုပ်တဲ့ ကားနဲ့ မနက် ရှစ်နာရီခွဲ လောက် သွား၊ ပြီးရင် ညနေ ငါးနာရီကျော် ကျော်လောက်မှာ ဟိုတယ်ကို ပြန်ပို့ ဆိုတဲ့ အစီအစဉ်ဘောင်ထဲမှာပဲ နေသားကျနေခဲ့ရ ပါတယ်။  ဘာလီက လမ်းကျဉ်းကျဉ်းကလေးတွေ၊ လမ်းဆုံလမ်းခွ တွေ၊ အခိုင်အခန့် နတ်ကွန်းတွေ၊ လမ်းဘေး ဈေးဆိုင်ကလေးတွေ နဲ့ အသားညိုညို အပြုံးချိုချို ပိုင်ရှင် ဘာလီကျွန်းသူ တွေ ဟာ ကိုယ်နဲ့ ရင်းနှီးနေသလို မျိုး ခံစားရပါတယ်။ ဘာလီဟာ ကမ္ဘောဒီးယား က ဆီရမ်ရိ (Siem Reap) နဲ့ တူသလိုလို၊ မြန်မာပြည် မော်လမြိုင်က ရပ်ကွက် တခုထဲ ရောက်နေသလိုလိုဖြစ်နေမိပါတယ်။ ဆိုခဲ့တဲ့ အကြောင်းအရာတွကြောင့်ပဲ လား ခင်မင်နှစ်လိုဖွယ် ဘာလီ ကျွန်းသူ ကျွန်းသားတွေဟာ မြန်မာတွေနဲ့တူလွန်း လို့ပဲလား ဘာလီနဲ့ စိမ်းမနေပဲ သိပ်ရင်းနှီးသလိုဖြစ်နေတယ်လို့ခံစားမိပါတယ်။

ဘယ်လိုပဲ ဖြစ်ဖြစ် ကိုယ်နဲ့ မတူပဲ ထူးခြားတဲ့ အလေ့ အထ၊ ယဉ်ကျေးမှု အမူအကျင့် တွေကို တနင်္ဂနွေ နှစ်ပါတ် အတွင်း ရုံးသွား၊ ရုံးပြန် သတိထား လေ့လာကြည့်မိပါတယ်။ နားရွက်ကြားမှာ စကားဝါပန်းထိုးထားတတ်တဲ့ ခပ်ပျော်ပျော် လုပ်ဖော်ကိုင်ဖက် ဒရိုင်ဘာ ကတွတ် (Ketut) ပြီးရင် မနက်တိုင်း သတိထား မိတဲ့ အထဲမှာ ပုလင်းပေါင်းစုံကို တောင်းထဲထည့် ပြီး လည်ရောင်းနေတဲ့ ဈေးသည်တွေက ထိပ်ဆုံးက ပါပါတယ်။ တချို့ က ပုလင်းတွေထည့်ထားတဲ့ တောင်း ကို ပါတိတ်အစ နဲ့ ကျောပိုး သိုင်းပြီးလမ်းလျှောက် လည်ရောင်းကြ သလို၊ တချို့ က လည်း စက်ဘီး၊ တချို့ က ဆိုင်ကယ် အစရှိသဖြင့် ပုံစံ အမျိုးမျိုး နဲ့ ရောင်းတာတွေ့ ရပါတယ်။ အဲဒီ အသည် ဘာသည်လဲ ဆိုတာ တွေ့မိတိုင်း သိချင်စိတ် အလွန်ပြင်းပြင်းပြပြ ဖြစ်မိပေမယ့် ရုံးကိုရောက်တဲ့ အခါကျတော့ ရှုပ်ထွေးများပြားလှတဲ့ လုပ်ငန်းတာဝန်တွေ နဲ့ ဖိစီးပြီး လုပ်ဖော်ကိုင်ဖက်တွေကို မမေးမိပြန်ဘူး။ ဒီလို နဲ့ လုပ်ငန်းဆိုင်ရာ သင်တန်း နှစ်ပါတ်ပြီး လို့ ဘာလီက နေ မလေးရှား ကို ပြန်သာ လာခဲ့ရတယ် အဲဒီ အသည် ဘာသည် လဲ မသိလိုက်ရဘူး။

မလေးရှား ကနေ ဘာလီ ပြောင်းရတဲ့ အခါကျတော့လဲ ပြောင်းခါ စဆိုတော့ ရုံးတာဝန်၊ အိမ်ထောင်တာဝန် တွေကြောင့် အမှူ့ မဲ့ အမှတ်မဲ့ ပဲဖြစ်နေခဲ့ပါတယ်။ နောက်ပိုင်းမှာ အဲဒါကို ဂျာမူး ရောင်းသည့်အသည် ဆိုတာသိပေမယ့် တခါမှ အသေးစိပ်လေ့လာမကြည့်ရသေးပါဘူး။ ဒါပေမယ့် တညနေ ရုံးက အပြန် လမ်းမှာ လူတွေဝိုင်းနေတဲ့ အဲဒီအသည် တွေ့လို့ ကားရပ်ပြီး ၀င်အား ပေးပါတယ်။ ဘယ်လိုသောက်မလဲ လို့ဈေးသည်က မေးတော့ ဘယ်လိုမျိုးရလဲ ပြန်မေးလိုက်ပါတယ်။ သူပြန်ပြောတဲ့ အမျိုးပေါင်း များစွားကို နားသိပ်မလည်တော့ ရိုးရိုးပဲ  ပေး (Biasa saja)  လို့ ပြောလိုက်ပါတယ်။ အဲဒီမှာ သူက ပုလင်းပေါင်းစုံထဲ က အရည်ပေါင်းစုံ၊ အမှုံ့ ပေါင်းစုံ နည်းနည်း ချင်းထည့်ပြီး ဘဲဥ ထည့်မလား ထပ်မေးပါတယ်။ ကိုယ်စကား ပြန်မရခင်ပဲ ဘဲဥတလုံးကို ခွဲ ပြီး အကာတွေကို သွန်ပါတယ်။ အနှစ်ချည်းသီးသန့် ကိုစောစော က ခွက်ထဲ ကိုထည့် ပြီး မွှေပါတော့တယ်။ နှံ့လောက်ပြီ ထင်မှ ဖန်ခွက် အသစ်တစ်လုံးထဲ ကိုစောစောက ညိုပြစ်ပြစ် အရည်တွေထည့် ပြီး ကမ်းပေးပါတယ်။ ကျနော်လဲ မှာပြီးမှ တော့ မထူးပါဘူး ဆိုပြီး တကျိုက်တည်း မော့ ချလိုက်ပါတယ်။

ငရုတ်သီး ၊ ဆနွင်းမှုန့်၊ မဆလာတွေ ရောပြီး မွှေချက် ချက် ရင်တောင် ညီစို့စို့ နံတတ်တဲ့ ဘဲဥ အနှစ်ပါပေသော်လည်း လုံးဝ မညှီပဲ အရသာဟာ ချိုသလိုလို၊ ငန်သလိုလို၊ ခါးသလိုလို နဲ့ ပူရှိန်းရှိန်း ဖြစ်ပြီး တော့ လည်ချောင်းထဲ ကို နွေးခနဲ စီးဝင်သွားပါတယ်။ အိမ်ပြန်ရောက်တော့ လဲ လူက ပူရှိန်းရှိန်းဖြစ်နေပြီး ရေတ၀ ချိုးလိုက်ခါမှပဲ လန်းဆန်းပြီး ဗိုက်ပါ ဆာသွားပါတော့တယ်။ နောက်တော့ အိမ်နီးချင်း ဒေါက်တာမ လာလည် တုန်း အသေးစိပ် မေးတဲ့အခါကျမှ ဂျာမူးအကြောင်း တော်တော်များများ သိရပါတော့တယ်။ 

တကယ်တော့ ဂျာမူး ဆိုတာ အင်ဒိုနီးရှား နိုင်ငံ ဂျာဗား ကျွန်းမကြီး အနှံ့ က ကျွန်းသူ ကျွန်းသားတွေ နေ့စဉ် မှီဝဲ တဲ့ တိုင်းရင်းဆေး တစ်မျိုးပါပဲ။ ဆေးဖက်ဝင် အပင်ပေါင်းစုံ က အရွက်၊ အသီး၊ အရိုး၊ အမြစ်၊ အပွင့်၊ အခေါက် တွေကို ဆေးဖော်စပ်ပြီး သောက်သုံးကြ တာဖြစ်ပါတယ်။ ဂျာမူးကို ရှေးနှစ်ပေါင်းများစွာ ကတည်း က သုံးစွဲ လာလိုက်တာ ဆင်းရဲ ချမ်းသာ မရွေး၊ မြို့ပြ ကျေးလက် မခွဲ ခြားပဲ လူတန်းစားပေါင်းစုံ ရဲ့ မှီဝဲ အားထား ရာ တစ်ခု အဖြစ်ယခု အချိန်အထိ အင်ဒိုနီးရှား ကျယ်ကျယ်ပြန့် ပြန့် အားကိုးတကြီး မှီဝဲ့ အသုံး ပြုတာ ဖြစ်ပါတယ်။

ဂျာမူး ရှင်

ဂျာမူး မှာ ပါဝင်တဲ့ ဆေးဖက်ဝင် သစ်ရွက်၊ သစ်ခေါက်၊ သစ်မြစ်၊ သစ်ဖု၊ သစ်သီး၊ သစ်ဖူး ၊ သစ်ပွင့်

ဂျင်းပင်

ဂျာမူး ပြုလုပ်ပုံ ကို ရှာဖွေ လေ့လာပြီး ရေးရရင် တိုင်းရင်းဆေးကျမ်း ပုံစံ မျိုး ဖြစ်သွား နိုင်တဲ့ အတွက် ဂျာမူး ဖော်မြူလာတော့ ရေးဖို့ အစီအစဉ် မရှိပါ။သို့ ပေမယ့် အကြမ်းအားဖြင့် ဂျာမူး တဖုံ မှာ အခြေခံ ပါဝင်တဲ့ ပရဆေးပင် တွေ ရာပေါင်း များစွာ မှ အနည်းငယ်ကို စုစည်း ကြည့်တဲ့ အခါမှာ အောက်ပါအပင်တွေ အဓိကပါဝင်တာတွေ့ ရပါတယ်။ 

ဂျင်း (ချင်း) Ginger (Zingiber Officinale)
ဂျင်း တမျိုး Lempuyang (Zingiber Oronaticum)
ဂျင်း တမျိုး Temu Lawak/ Wild Ginger (Curcuma Cautkeridza) (ဘာလီကျွန်းသား တွေ ငှက်ပျောအူ၊ ကြက်သားနဲ့ ရောချက်ပြီး အထင်ကရ ပွဲတွေမှာ ကျွေးလေ့ရှိသည်။) 
နနွင်းတက် Kunyit/ Tumeric (Curcuma Domestica)
ဂျင်းတမျိုး Kencur/ Greater Galingale (Kaemferi Galanga)
ဂျင်းတမျိုး Lengkuas/ Ginger Plant (Elpina Galanga)
ဂျင်းတမျိုး Bengle (Zingiber Bevifalium)

(မှတ်ချက် အနေနဲ့ ၀န်ခံရရင် အဲဒီ သစ်ဥ သစ်ဖုတွေ အားလုံး ဟာ ဂျင်းတက် နဲ့ ဆင်တူယိုးမှား တွေချည်းပါပဲ။ တိုင်းရင်းဆေးပညာ နဲ့ ရုက္ခဗေဒမှာ နကန်း တလုံးမှ မတတ်တော့ ခပ်တည်တည် နဲ့ (ဂျင်းတမျိုး) ဆိုပြီး ရောချ လိုက်ပါတယ်။ စကားမစပ် ငယ်ငယ်တုန်း က အကြောင်းလေး သွားသတိရပါတယ်။ အမေက ဈေးမှာ ဂျင်း တက် နည်းနည်း သွားဝယ်ခိုင်းပါတယ်။ ဂျင်းတက် လို့ ဘာလို့ ခွဲပြောရသလဲ ဆိုတော့ ကျနော် တို့ နယ်မှာ ဂျင်းကို ပေါက်ပြီး တမျိုး၊ ပိုးတီး ပုံ တမျိုး လုပ်ရောင်းလို့ ပဲဖြစ်ပါတယ်။ ဆက်ရရင် ကျနော် ဈေး ကိုရောက်တော့ ဂျင်းတက် ရောင်းတဲ့ အသည် ကိုရှာမတွေ့ ပါဘူး။ အဲဒီမှာ အမှုန့် ရောင်စုံတွေ ကို သံဖြူနဲ့ လုပ်ထားတဲ့ မှန်ပုံး တွေ နဲ့ ထည့် ရောင်းတဲ့ ဆိုင် မှာ ဂျင်းတွေ ကို သံပုံး တခုနဲ့ သပ်သပ်ယပ်ယပ် ထည့်ထား တာကို သွားတွေ့ ပါတယ်။ ကျနော် က ဆိုင်ရှင် အဒေါ်ကြီး ကို ဂျင်း နှစ်ကျပ် ဖိုးလောက် ရောင်းပါ လို့ ပြောတော့ အဲဒီ အဒေါ်ကြီး က အဲဒါ မိတ်သလင်.. ကွဲ့ တဲ့ :P )


အရွက်
ငုပင် (ဟုထင်သည်) Secang (Caesalpinia Sappan)
ပိန်းရွက် တမျိုး Sambang Dara (Rexco Ecaria Bicolar Hassk)
ကွမ်းရွက် Brotowali (Tiospora Rumpii Boerl)
ဂျာဗားကျွန်း အနှံ့ ပေါက်တတ်သည့် အပင်တမျိုး Adas (Foeniculum Vulgare Mill)

အသီး
သံပရို / သံပုရာသီး Jeruk Nipis/ Calamondin (Citrae Aurantifalia Sivingle)
ခရမ်းကစော့ သီးတမျိုး (ဟုထင်သည်) Ceplukan (Physalic Angulata Him)
ပုန်းညှက် သီး (ဟုထင်သည်) Nyamplung (Calophylum Inaphyllu)

အခေါက်

သစ်ဂျပိုး Kayu Manis/ Cinamon (Gijeyzahyza Glabra)

အပွင့်
စပါယ် Melati/ Yasmin / Jasmine (Jataninum Sunbac Ait)
သမန်းမြက်ပွင့် (ဟုထင်သည်) Rumput Alang-alang (Gramineae)

တကယ်တန်း ဂျာမူး အကြောင်းလေ့လာရသည်မှာ မလွယ်ကူပါ။ အထူးသဖြင့် ကျနော့်လို ဂျင်းနဲ့ မိတ်သလင် ကိုပင် မခွဲတတ်သော သူများ အတွက် သာ၍ မလွယ်ပါသေးသည်။ ဂျာမူးကို အင်ဒိုနီးရှား မှာ ဘာလို့ ကျယ်ကျယ်ပြန့်ပြန့် မှီဝဲ သုံးစွဲ ကြသလဲ ဆိုတော့ -

၁) နေရာတကာ မှာ အလွယ်တကူရ နိုင်ခြင်း
၂) ဈေးနှုံး ချိုသာ ခြင်း
၃) ဘေးထွက် ဆိုးကျိုး မရှိ ခြင်း တို့ ကြောင့်လို့ ဆိုပါတယ်။

ဂျဗားသူ၊ ဘာလီ သူတွေ ချောတာ၊ ကျန်းမာ တာဟာ ဂျာမူး ဆိုတဲ့ လျှို့ ၀ှက်ချက်ကြောင့် လို့ ဆိုကြပါတယ်။ ဂျာမူး အကြောင်း ဆက်စပ်သမျှ ပြောရရင် ကုန်နိုင်ဘွယ် မမြင်ပါဘူး။ အင်ဒိုနီးရှား ရုပ်ရှင်ဇာတ်လမ်း တွဲတွေ ထဲမှာလဲ ဇာတ်ဆောင်မင်းသမီး တွေဟာ ဂျာမူးရောင်းတဲ့ ဂျာဗား က ဂျာမူးသည် အဖြစ် သရုပ်ဆောင်တာ ခဏခဏ ပါတတ်ပါတယ်။ သမီး အငယ်လေးရေ၀တီ မွေးခါစ မှာ ခင့် ကို မီးထွက် စမိခင်တွေသောက်ရတဲ့ ဂျာမူး ၀ယ်တိုက်ရပါတယ်။ မွေးကင်းစ ရေ၀တီကလေး ကိုလဲ ထက်လင်းရင်လူးဆေး မရနိုင်တဲ့ ဘာလီမှာ ဂျာမူး ရင်လူးဆေး Minyak Telon  ကိုပဲအားထား ရပါတယ်။ ဂျာမူး ဟာ ဘယ်လောက်အထိ လွှမ်းမိုးနိုင် သလဲ ဆိုရင် သမီးအကြီးမလေး ဘာလီသူ သူငယ်ချင်းတွေ နဲ့ ကစား တဲ့ အခါမှာ ကစားစရာ ခွက်တွေ၊ ဘူးတွေကို ခြင်းတခုထဲ ထည့်ပြီး "ဂျာမူး..ဂျာမူး" လို့ အော်ပြီး ဂျာမူး သည်လုပ်တန်း ကစားသည် အထိပါပဲ။ 

အင်ဒိုနီးရှား ကနေ မလေးရှားကို ပြန်ပြောင်း လာခဲ့ရပါပြီ။ ဒါပေမယ့် တခါ တလေမှာ "ဂျာမူး......ဂျာမူး" ဆိုတဲ့ အသံ ကိုတော့ ကြားယောင်နေတုန်းပါပဲ။                ။


ဓါတ်ပုံ / Photo / Gambar
ဓါတ်ပုံအားလုံး အင်တာနက်မှ ကူးယူပါသည်။ 
Photos are taken from internet and credits are due to all respective photographers.
Saya menganbil dari internet dan facebook. Maaf dan terimakasih.


ကိုးကား / Reference / Referensi
အချက်အလက်အများစု ကို အင်ဒိုနီးရှားဝက်ဆိုက်များမှ ရယူပါသည်။
Many facts about Jamu are taken from some Indonesian webpages.
Saya manganbil informasi dangan referensi dari Indonesia webpages. 

ဆက်ဖတ်ကြည့်မယ်...

ပြန်သိမ်းပေးခဲ့မယ်....

ဟိုတယ် ပြုပြင် ၊ပြင်ဆင်ထိမ်းသိမ်း ခြင်းအား အဆုံးအရှုံးနည်းနည်း၊ ဧည့်သည်များ အဆင်မပြေမှု့ နည်းနိုင်သမျှနည်း အောင် စီမံခံ့ခွဲခြင်း (၀ါ) ဟိုတယ် ရီနိုဗေးရှင်း အား စီမံခံ့ခွဲခြင်း

ယေဘုယျ အားဖြင့် ဟိုတယ် အားလုံး ငါးနှစ်မှ ခုနှစ် နှစ် အတွင်း အထွေထွေ ပြုပြင်ထိမ်းသိမ်း ခြင်း အား ပြုလုပ်လေ့ရှိသည်။ ထိုသို့ ပြုလုပ်ခြင်း အားဖြင့် အဆောက်အဦ၊ အတွင်း အပြင် ပရိဘောဂ အစရှိသမျှ ဟိုတယ်တစ်လုံး ဧ။် သွင်ပြင်လက္ခဏာ များ အမြဲတစေ သစ်လွင်တောက်ပနေစေပြီး၊ မူလအခြေအနေများ အားမပျက်မယွင်းစေရန် ထိမ်းသိမ်းထားနိုင်မည် ဖြစ်သည်။  အကယ်၍နိုင်ငံတကာ ဟိုတယ် အုပ်စု (Starwood, Marriott, Hilton, Sheraton, Shangri La စသည်) အမည် ခံ ဖရန်ချိုက်စ် (franchise) ဟိုတယ် တစ်လုံးဖြစ် ပါကလည်း အမြဲပြုပြင်ထိမ်းသိမ်းနေခြင်းအားဖြင့် သက်ဆိုင်ရာ ဟိုတယ် အုပ်စု ဧ။် စံချိန် စံနှုန်း များ အတိုင်း ဆက်လက် တည်ရှိနိုင်မည် ဖြစ်သည်။ ပြုပြင်ထိမ်းသိမ်းဆဲကာလ အတွင်း အောက်ခြေမှ စ၍ ဟိုတယ် အုပ်ချုပ် စီမံခန့်ခွဲ သူ များ (management) ဧ။် အရည်အချင်းပြည့် မှု့၊ စီမံခန့် ခွဲမှု့ ကျွမ်းကျင်ခြင်း၊ ပါးရည်နပ်ရှိ ပြီး လုပ်ရည်ကိုင်ရည် ရှိခြင်း တို့ အပေါ် မူုတည်  ၍ တည်းခိုသူ ဧည်သည်များ စိတ်ချမ်းသာ ကျေနပ်မှု့ ရှိခြင်း၊ အဆင်မပြေ မှု့ များ ဖြစ်လေ့ရှိသည်။ ဟိုတယ် ပြုပြင်ထိမ်းသိမ်းဆဲ ကာလ အတွင်း အခန်း လျာထားမှူ့များ စီမံခန့်ခွဲ ခြင်း (room inventory and allotment management) များပြုလုပ်ရာ တွင် ဧည့်သည် အများဝင်ထွက်သွားလာ ရာ လော်ဘီ (lobby) အခန်းကော်ရစ်ဒါ စသည် တို့ အပေါ် တွက်ချက် ပြီး အဆင်မပြေမှု နည်းနိုင်သမျှ နည်းအောင် စဉ်းစားတတ်ရန်လိုသည်။

သတိပြုရမည့် အချက်မှာ ဧည့်သည်များ သည် ဆောက်လုပ်ရေး လုပ်ငန်း များနှင့် ငြမ်းဆင်ထားခြင်း၊ ဆေးသုတ် ခြင်း များအား လာရောက်ကြည့်ရှု့ ရန်၊ တူရိုက်သံ၊ လွှဖြတ်သံ   ရွှေပေါ်ထိုးသံများ လာရောက်နားထောင်ရန် အတွက် မိမိတို့ ဟိုတယ် မှာ တည်းခိုနေခြင်း မဟုတ် ဟူသည့် အချက်ကို နားလည်ရန်ပင်ဖြစ်သည်။

ဟိုတယ် အုပ်ချုပ်စီမံခန့်ခွဲသူများ အနေဖြင့် ဘက်ပေါင်းစုံ မှ ထောင့်စေ့ အောင် စဉ်းစား ပြင်ဆင်ပြီး ဟိုတယ်ဧ။် ပုံရိပ်၊ ဂုဏ်သိက္ခာ၊ ဧည့်သည်များ အတွက်  (အမြင်၊ အကြား၊ ကိုယ်ခန္ဓာ) ထိခိုက်မှု့ အနည်းဆုံး ဖြစ်အောင် ဆောင်ရွက်ရန် အရေးကြီးသည်။ ဟိုတယ် ပြုပြင်ထိမ်းသိမ်းဆဲ ကာလ အတွင်း အာက်ဆုံး အခြေခံ မှစ၍ အထိအခိုက်အနည်းဆုံး (Painless as Possible) ဖြစ်စေရန် အမြဲရှေ့ ရှု ရမည်ဖြစ်ပြီး အောက်ပါ အချက်များ ကို အထူး ဂရုပြု လိုက်နာရန် လိုအပ်သည်။

၁။ အကယ်၍ ဖရန်ချိုက်စ် ဟိုတယ် ဖြစ်ပါက အဆိုပါ သက်ဆိုင်ရာ နိုင်ငံတကာ ဟိုတယ် အုပ်စုများဧ။် စံချိန်စံညွှန်းများ၊ အရည်အချင်း သတ်မှတ်ချက်များ အားပြန်လည် လေ့လာဆန်းစစ်ရန် လိုအပ်သည်။
(ဥပမာ။          ။ Shangri La ဟိုတယ် တစ်လုံးဧ။် ထူခြား သည့် အရည်အခြင်းမှာ ကမ္ဘာပေါ်ရှိ Shangri La ဟိုတယ်များ အားလုံး တူညီသော ခံစားမှု့ ကိုပေးသည်။ ပထမ ဆုံးအကြိမ်ရောက်ဖူးသည့် ဧည့်သည် ဖြစ်သည့်တိုင် တခြား နေရာမှ Shangri La ဟိုတယ် တစ်ခုခု တွင်တည်းခိုဖူးပါက ဤဟို တယ်သို့ ရောက်ဖူးနေသကဲ့သို့ ခံစားစေခြင်းဖြစ်သည်။)

၂။ ဟိုတယ်ဧ။် ၀န်ဆောင်မှု့ နှင့် အထွေထွေ အရည်အသွေး မြင့်တင်သည့် (upgrading renovation) ပြင်ဆင် ဆောင်ရွက်မှု့ မျိုး လုပ်ခြင်း၊ ခေတ်မီ အသုံးအဆောင်များ နည်းပညာများ ထည့်သွင်းလိုခြင်းများ (internet access, bandwidth စသည်)  ရှိပါက ဧည့်သည်များ ဧ။် အမြင်၊ သဘောထား၊ အကြံဥာဏ်များ ကောက်ယူပြီး စနစ်တကျ မှတ်တမ်းပြုစုကာ ထည့်သွင်း စဉ်းစားရမည်။

၃။ အကယ်၍ ဖရန်ချိုက်စ် ဟိုတယ်ဖြစ်ပါက ဆောင်ရွက်မည့် ပြုပြင်ထိမ်းသိမ်းခြင်းလုပ်ငန်း ပရောဂျက်ကို ရှင်းရှင်းလင်းလင်း အသေးစိပ် သက်ဆိုင်ရာဟိုတယ် ကုမ္ပဏီကို တင်ပြပြီး ခွင့်ပြုချက် တောင်းခံရန် လိုသည်။

၎။ ဟိုတယ် ရီနိုဗေးရှင်း လုပ်ငန်းများ များမကြာမီအတွင်း လုပ်ကိုင်ဆောင်ရွက် ဖူးသည့် ဟိုတယ် လုပ်ငန်းရှင်များ၊ အထွေထွေမန်နေဂျာများ များနှင့် စကား ပြောဆို အကြံဥာဏ်ယူခြင်း ပြုလုပ် ၍ ၄င်းတို့ ဧ။် အတွေ့ အကြုံ၊ အခက်အခဲ နှင့် ပြဿနာများ ရင်ဆိုင် ဖြေရှင်းခဲ့ပုံများ၊ အမှားများ အား တန်ဖိုးထား အတုယူ ကာ မိမိတို့ ဟိုတယ် ရီနိုဗေးရှင်း ပရောဂျက်အား အမှား နည်းနိုင်သမျှနည်းအောင် ဆောင်ရွက်ရမည်။

၅။ ဟိုတယ် ရီနိုဗေးရှင်း ဧ။် အတိမ်အနက်၊ အကျဉ်း အကျယ် အပေါ် မူတည် ၍ ရီနိုဗေးရှင်း ပြုလုပ်စဉ် ဟိုတယ်တစ်ခု လုံး ပိတ်ထား မည် သို့မဟုတ် တစ်စိတ် တစ်ပိုင်းသာ ဖွင့်လှစ်ပြီး ဧည့်သည် များ လက်ခံ ၀န်ဆောင် မှု့ ပေးမည် ဆိုသည် ကို အလေးအနက် စဉ်းစား ဆုံးဖြတ် ရမည်။

၆။ ဧည့်သည် များ အဆင်မပြေမှ့ နှင့် ဟိုတယ်ဧ။်ဝင်ငွေ ထိခိုက်မှု့ အနည်းဆုံးဖြစ်စေရန် အတွက်  ဟိုတယ် ရီနိုဗေးရှင်း ဧ။် အတိမ်အနက်၊ အကျဉ်း အကျယ် အပေါ် မူတည် ကာ မည်မျှ ကြာနိုင်မည် ကိုတွက်ချက် ပြီး နှစ်တစ်နှစ် ဧ။် မည်သည့် ကာလ အတွင်း ဆောင်ရွက်ရမည် ကို စဉ်းစား ဆောင်ရွက်ရမည်။

၇။ ဟိုတယ် ရီနိုဗေးရှင်း ဆောင်ရွက်ရန် အလားတူ လုပ်ငန်းမျိုးများ  ၌ အတွေ့အကြုံ ကောင်းများရှိသူ၊ နာမည်ကောင်း ရှိသူ ကန်ထရိုက်တာ အားရှာဖွေ ၍  အလုပ်အပ် ဆောင်ရွက်စေရမည်။ အဆိုပါ ကန်ထရိုက်တာသည် ဟိုတယ် ရီနိုဗေးရှင်း လုပ်ငန်းများ ဆောင်ရွက်စဉ် အတွင်း သိုသိုသိပ်သိပ် ကျစ်ကျစ်လျစ်လျစ် လုပ်ကိုင်ဆောင်ရွက် ရန်၊ တိုးတိုးတိတ်တိတ် သန့်သန့် ရှင်းရှင်း ပြုလုပ်ဆောင်ရွက် သွားရန် နားလည်သူဖြစ်ရမည်။

၈။ ထိုသို့ ကန်ထရိုက်တာ မျိုးရရှိရန် စုံစမ်းရှာဖွေရာတွင် ဟိုတယ် လုပ်ငန်းရှင်နှင့် စီမံအုပ်ချုပ်သူတို့ က ၄င်းကန်ထရိုက် ပြုပြင် ဆောင်ရွက်မှု့များ လတ်တလော လုပ်သွားခဲ့ သည့် ဟိုတယ် များအား လူကိုယ်တိုင် သွားရောက် ကာ အဆိုပါ ကန်ထရိုက်ဧ။် လုပ်ကိုင်ဆောင်ရွက်ပုံ၊ လုပ်ငန်းများ လျာထားချက် အတွင်း အချိန်မှီ ပြီးစီး မှု့ ရှိမရှိ ဆိုသည်ကို ဂရုပြုလေ့လာရန်လိုအပ်သည်။

၉။  ဟိုတယ်ရိုနိုဗေးရှင်း ပြုလုပ်ရန် ဗိသုကာ ပညာရှင်၊ အဆောက်အဦ အတွင်း ဒီဇိုင်းများ ပြုလုပ်သူ ပညာရှင်များ၊ အ၀ယ်တော် စသည်တို့ အကြောင်းကို သိရှိရန်လိုအပ်သည်။

၁၀။ ကန်ထရိုက်တာ နှင့် ဆွေးနွေး တိုင်ပင်ကာ ရီနိုဗေးရှင်းကာလ အတွင်း မူလ အခန်း စာရင်း (room inventory) မှ အခန်းမည်မျှ ဖယ်ထုတ် ရမည်၊ အချိန်ကာလ မည်မျှ ကြာသည်အထိ ဤ အခန်းများ ဖယ်ထုတ် ထားရမည်၊ လူအများ သွားလာရာ ဧည့်ခန်းဆောင် (lobby)၊ ရေကူးကန်၊ စားသောက်ခန်းမ စသည် နေရများ အား ရီနိုဗေးရှင်း လုပ်ငန်းဆောင်တာများနှင့် မည်မျှ ထိတွေ့ ပတ်သက်မည် ကို ကြိုတင်စဉ်းစား ပြင်ဆင်ရမည်။

၁၁။ ဟိုတယ် ရီနိုဗေးရှင်း စတင် ဆောင်ရွက်ခြင်း မပြုမှီ ဟိုတယ်၏ အဓိကစီးပွားဖက်များ ဖြစ်သူ ခရီးသွားလုပ်ငန်း ကုမ္ပဏီများ၊ ခရီးသွားလုပ်ငန်း ကိုယ်စားလှယ်များ နှင့် ကာလရှည် တည်းခိုသူ ဧည့်သည်များ၊ ဟိုတယ်အတွင်း လက်ရှိတည်းခိုနေသူ ဧည့်သည်များ အပါအ၀င် ဆက်စပ် ပါတ်သက်သူ အားလုံးအား အသေးစိပ် ကြိုတင် အကြောင်းကြားရမည်။

၁၂။ ဘဏ္ဏာငွေ ကြေးဆိုင်ရာ ရီပို့ ပြင်ဆင်၍ (room, food & beverages and meeting & function room) များမှ အလားအလာရှိ ၀င်ငွေ ထိခိုက်နစ်နာ ဆုံးရှုံးမှု့ အားတွက်ချက် ကာ ဟိုတယ်လုပ်ငန်းရှင် နှင့် ဖရန်ချိုက်စ် ကုမ္ပဏီ တို့အား တင်ပြရမည်။ အဆိုပါ ရီပို့ သည် အနာဂါတ် ဘဏ္ဏာရေး အခြေအနေသုံးသပ်ရာတွင် အသုံးပြုနိုင် မည်။

၁၃။ ဟိုတယ် ရီနိုဗေးရှင်း လုပ်ဆောင်မှု့ လုံးဝ ပြီးစီးသွားသည် နှင့် သက်ဆိုင်ရာ သတင်းမီဒီယာ အသီးသီး နှင့် စီးပွားဖက် ခရီးသွားလုပ်ငန်း ကုမ္ပဏီများ၊ ခရီးသွားလုပ်ငန်း ကိုယ်စားလှယ်များ၊ ဟိုတယ်နှင့် ခရီးသွားလုပ်ငန်း ဆိုင်ရာ အစိုးရဌာန နှင့် တည်းခိုးသူ ဧည့်သည်များ အား ဖိတ်ခေါ်၍ှရှင်းလင်း တင်ပြရမည်။ (ဥပမာ။        ။ Agent Appreciation Night, Reborn စသည်ဖြင့် အမည် တမျိုးမျိုးတပ် ကာ အကျွေးအမွေးဖြင့် တည်ခင်း ဧည့်ခံ ကာ ပြီးစီးသွားသည့် ရီနိုဗေးရှင်း ပြုလုပ်သည့် အခန်း၊ နေရာ စသည် တို့ ကို လက်တွေ့ လိုက်လံရှင်းလင်း ပြသ ရန်ဖြစ်သည်။)

၁၄။ ရီနိုဗေးရှင်းပြုလုပ်ရင်း ဟိုတယ်၏ လုပ်ငန်းဆောင်တာများ ဆောင်ရွက်သည်မှာ ခက်ခဲပါသည်။ သို့ရာတွင် အဆိုပါ အခန်းကဏ္ဍ သည် ဟိုတယ်လုပ်ငန်းနယ်ပါယ် အတွက် မရှိမဖြစ် ရှောင်လွဲမရနိုင်သည့် အခြေအနေတစ်ရပ်သာ ဖြစ်ပါသည်။  စနစ်တကျကြိုတင်ပြင်ဆင်ခြင်း၊ ပူးပေါင်းဆောင်ရွက်ခြင်း၊ စည်းကမ်းများ အား စနစ်တကျ လိုက်နာခြင်း အားဖြင့် ပိုမိုကောင်းမွန် သစ်လွင်အောင် တိုးတက်အောင် ဆောင်ရွက်သော ရီနိုဗေးရှင်း သည် တည်းခိုသူ ဧည့်သည်များ စိတ်ချမ်းမြေ့စွာ တည်းခိုနေရင်း အောင်မြင်ပြီးဆုံးအောင် ဆောင်ရွက်နိုင်မည် ဖြစ်သည်။

မှတ်ချက်။                      ။ မြန်မာ နိုင်ငံအတွင်း ပြုလုပ်ခဲ့သော၊ လက်ရှိလုပ်ဆဲဖြစ်သော၊ ဟိုတယ် ရီနိုဗေး ရှင်းများ နှင့် ပါတ်သက်၍ ပြဿနာကြီးငယ် များစွာ ကိုယ်တွေ့ကြုံဘူးသူ တိုးအော်ပရေတာ တစ်ဦးအနေဖြင့် လိုအပ်ချက်တစ်ခုဟု ထင်မြင်ယူဆပါသဖြင့် Mark C. Lynn ရေးသော Managing A Hotel Renovation To Minimize Guest Inconvenience And Loss Of Revenue ကို ဆီလျော်သလို ဘာသာ ပြန်ပါသည်။

ဆက်ဖတ်ကြည့်မယ်...

ပြန်သိမ်းပေးခဲ့မယ်....

မြန်မာ နိုင်ငံ ဟိုတယ်နှင့် ခရီးသွားလုပ်ငန်း ၀န်ကြီး ဘယ်သူဖြစ်သင့်လဲ

ပြည်ထောင်စု သမ္မတ မြန်မာနိုင်ငံတော် ဟိုတယ်နှင့် ခရီးသွားလုပ်ငန်းဝန်ကြီး နေရာလတ်တစ်လော တွင်လစ်လပ် နေသဖြင့် ခရီးသွားလုပ်ငန်း နယ်ပါယ်က ခရီးသွားလုပ်ငန်းရှင်များ၊ ဟိုတယ်လုပ်ငန်းရှင်များ၊ ဧည့်လမ်းညွှန်များ အပြင် စာနယ်ဇင်းသမားများ၊ စိတ်ဝင်စားသူများ ၏ ဆန္ဒသဘောထား အား ဖော်ထုတ်ကြည့်ပါသည်။ ယခုအချိန်အထိ စိတ်ဝင်စားစရာ ရလဒ်များ ရလျက်ရှိပါသည်။ သို့ရာတွင် ထင်မြင်ချက် မဲပေးသူ အရေအတွက် နည်းနေသေးသည့်အတွက် အများ၏ ဆန္ဒသဘောထား ဟုယူဆရန်ခက်ခဲပါသည်။

တခြား ပညာရှင်များ၊ ခရီးသွားလုပ်ငန်း နယ်ပါယ် ကမဟုတ်သော်လည်း စိတ်ဝင်စား သူများ လည်း ထင်မြင်ချက် ပေးနိုင်ရန်အတွက် ကျနော်၏ ဘလောက်တွင် တင်ပြ ခြင်းဖြစ်ပါသည်။ လက်ရှိ ဖြစ်နိုင်ခြေရှိသူ များ၏ အတွေ့ အကြုံ၊ ကိုယ်ရေးရာဇ၀င်၊ ခရီးသွားလုပ်ငန်း အပေါ်စိတ်ဝင်စားမှု့၊ အမြော်အမြင်ရှိမှု့၊ အစရှိသည့် ထည့်သွင်း စဉ်းစားရမည့် အချက်များ အား အကြောင်း အမျိုးမျိုး ကြောင့် ပြုစုတင်ပြနိုင်ခြင်း မရှိသည်ကို ၀န်ခံပါသည်။

Vote for the one you wish to be Tourism Minister

မကြာသေးခင် နိုင်ငံတော်သမ္မတရုံးအမိန့်အမှတ် ၂၂/၂၀၁၂ အရ ဝန်ကြီးဌာနဝန်ကြီးများအားပြောင်းလဲတာဝန်ပေးအပ်မှုများရှိခဲ့ရာ ဟိုတယ်နှင့်ခရီးသွားလုပ်ငန်းဝန်ကြီးအပြောင်းအလဲရှိလာမည်ဖြစ်သည်။ သို့ရာတွင်ဝန်ကြီးရာထူးအားလစ်လပ်နေရာတွင်ပင်ရှိသေးရာခရီးသွားလုပ်ငန်းအတွင်း မည်သူကဝန်ကြီးပိုဖြစ်သင့်သည်ဟုပြောဆိုလာခဲ့ကြပါသည်။ ၄င်းတို့အထဲမှာ တစ်ပြေးနေသူများအား ဟိုတယ်နှင့် ခရီးသွားလုပ်ငန်းအမှန်တကယ်လုပ်နေသည့်လူ အများ၏ဆန္ဒသဘောထားအားဖော်ထုတ်ြ ကည့်လိုခြင်းဖြစ်ပါသည်။

ဦးအေးမြင့်ကြူ (လက်ရှိ ဒုဝန်ကြီး အားကစားဝန်ကြီးဌာန၊ )

• ဝန်ကြီးအဖြစ်တိုးမြှင့်ပေးသင့်

ဦးဌေးအောင် (လက်ရှိ ဒုဝန်ကြီး ဟိုတယ်နှင့်ခရီးသွားလုပ်ငန်းဝန်ကြီးဌာန၊ )

• ဝန်ကြီးအဖြစ်တိုးမြှင့်ပေးသင့်

တခြားဆန္ဒပြုလိုသူရှိပါကအောက်တွင်ရေးပါ။ (အရပ်သားလုပ်ငန်းရှင်၊ သို့မှဟုတ် မိမိနှစ်သက်ရာ ခေါင်းဆောင်နိုင်မည်ဟုထင်သူ)

If you have trouble viewing or submitting this form, you can fill it out online:
https://docs.google.com/spreadsheet/viewform?fromEmail=true&formkey=dF9TY25tV3VXNDBiaVRiTnlXYnhneUE6MQ

Powered by Google Docs Report Abuse - Terms of Service - Additional Terms

ဆက်ဖတ်ကြည့်မယ်...

ပြန်သိမ်းပေးခဲ့မယ်....

စီနီယာကြီး နဲ့ Angry Bird

 Photo

ကျနော် ဟာ တော်တော်များများ နေရာမှာ ဖေဖေနဲ့ တူ တယ်လို့ မေမေနဲ့ အတွင်းသိ ဆွေမျိုးတွေကဆိုကြတယ်။ စိတ်ဝင်စား တာတွေတူတယ်။ ၀ါသနာတူတယ်။ တွေးခေါ်ပုံတွေ တူတယ်။ ပြီးတော့ အများ က "ပေါက်ပေါက်ရှာရှာ" လို့ ပြောရမယ့် ကိစ္စမျိုး တွေ မှာ ၀ါသနာကြီး တာ တူတယ်။ အဲဒီလို ၀ါသနာ တွေက ငယ်စဉ် ကတည်း က ဖေဖေနဲ့ အတူ သူဝါသနာပါရာ အလုပ်တွေကူ လုပ်ပေးတာ တွေကစ တင် အမြစ်တွယ်ခဲ့တယ် လို့ ပဲယူဆရမယ်။ အထူးသဖြင့် စာအုပ်စုတာ၊ တံဆိပ်ခေါင်း မျိုးစုံ၊ ဒင်္ဂါးအဟောင်းတွေ၊ ရှေးဟောင်းပစ္စည်းမျိုးစုံ စုထားတာ တွေက ကျုရီယို ဆိုင်လိုလို၊ စာအုပ်အဟောင်း ဆိုင်လို လို ကို ဖြစ်လို့။ ဖေဖေ နဲ့ ၀ါသနာတူ လူကြီး တွေ အိမ်ကိုအလည် လာပြီး ခေါင်းစဉ် တူရာတူရာ အောက်မှာ ပြောဆိုဆွေးနွေးကြပြီ ဆိုရင် ကျနော်က ဘေးမှာ တမော့မော့နဲ့ နားထောင် နေခဲ့တာ။

ဖေဖေက သူနဲ့ ၀ါသနာတူ တဲ့သား ကို သိပ်သဘောကျ မှာပေါ့။ တခုခု ကို သိချင်လို့ မေးလိုက် မိပြီ ဆိုရင်လဲ မဆုံးနိုင်တော့ ဘူးရှင်း ပြတာ။ အထူးသဖြင့် သဘာဝ ပါတ်ဝန်းကျင်နဲ့ ပတ်သက်တာတွေ၊ တိရိစ္ထာန်တွေ အကြောင်း၊ ငှက်တွေ အကြောင်း၊ ခေတ်မီ ပြီး အမြော်အမြင်ရှိတဲ့ နိုင်ငံကြီးတွေမှာ သဘာဝဂေဟစနစ် ကို ဘယ်လို ထိမ်းသိမ်း တယ် ဆိုတဲ့ အကြောင်း တွေ ကို အသေးစိပ်တန် စိပ်၊ အကျယ်တ၀င့် လိုရင် အကျယ်တ၀င့်၊ အကြမ်းဖျင်းတန် ရင်အကြမ်းဖျင်း ရှင်းပြပါတယ်။ ဒါတင်မကသေးပဲ လက်ဟန်ခြေဟန်၊ ကိုယ်နေကိုယ်ထား အပြင် အသံထွက်သင့် ရင် အသံပါ အတုလုပ်ပြလေ့ရှိလို့ မေမေနဲ့ တကွ နီးစပ်ရာ တခြားလူတွေ အတွက်တော့ "ပေါက်ပေါက်ရှာရှာ" လို့ ပြောပြီး ရယ်ကြရပါတယ်။

အထူးသဖြင့် တိရိစ္ဆာန်တွေ ရဲ့ အချင်းချင်း အသံပေး ပြီး ဆက်သွယ်ကြပုံ၊ ဒေါသထွက်တဲ့ အသံ၊ ရန်သူကို တွေ့လို့ အချင်းချင်း သတိပေးတဲ့ အသံ၊ ကြောက်လို့ ထွက်တဲ့ အသံ၊ ဖို သံ ပေးပုံ စသဖြင့် အကြောင်းအရာ မျိုးစုံ မကုန်နိုင်အောင် ရှင်းပြလေ့ရှိပါတယ်။ ငှက်တွေအတွက် အသံဟာ အလွန်အရေးကြီးကြောင်း ကို ကြက်ဖကြီး တွန်ရင် အနီးအနားက ကြက်ဖ ငယ်တွေ မတွန်ရဲတဲ့ အကြောင်းနဲ့ နယ်မြေပိုင်ဆိုင်မှု အတွက် တွန်ရတာ ဖြစ်တဲ့ အကြောင်း ဥပမာပေးရှင်းပြပါတယ်။ မြေလတ် ဒေသက အိမ်ကလေးမှာ နေစဉ် ကျနော်ငယ်ငယ် ကတော့ ငှက်မျိုးစုံရဲ့ အသံ လုပ်ပြတတ်တာ မှတ်မိနေပါသေးတယ်။

ကျနော် အပါအ၀င် သားသမီးတွေ အတောင်အလက်စုံလို့ တကွဲ တပြားစီ နေကြတော့ ဖေဖေနဲ့ မေမေ နှစ်ယောက်ထဲ မြို့သစ်က အိမ်လေးမှာ နေကြရပါတယ်။ ကျနော် က အင်ဒိုနီးရှား နိုင်ငံ ဘာလီကျွန်းမှာ၊ ကျန်တဲ့ အကိုတွေ ညီမတွေက ကမ္ဘာ့ အရှေ့ ဖျားက နိုင်ငံလေးမှာ။ အဆင်ပြေတဲ့ ညီမများ က မိဘတွေကို သူတို့ ရှိတဲ့ နိုင်ငံမှာ နေဖို့ ခေါ် ကြပေမယ့် အကြာကြီး မနေနိုင်ရှာဘူး။ မတူတဲ့ ရာသီဥတု နဲ့ ခင်ရာ မင်ရာဆွေမျိုးမိသင်္ဂဟ တွေမရှိတဲ့ တစိမ်း နိုင်ငံမလို့ တဲ့။တခါနေရင် သုံးလ လောက်ပဲ နေနိုင်ကြတယ်။

ဖေဖေနဲ့ မေမေ က အသက်ကြီးပြီဆိုတော့ သားသမီး စုံစုံလင်လင်တဲ့ အတူ ဆုံ ချင်တယ်၊ မိသားစု ဓါတ်ပုံ ရိုက်ချင်တယ်ဆိုတော့ တဦးတည်း သီးသီးခြားခြားခွဲထွက် နေရတဲ့ ဘာလီကျွန်းက ကျနော်က မဖြစ်ဖြစ်အောင် ကျိုးစားပြီး မိဘတွေ နဲ့အတူ မတွေ့ရတာ နှစ်ပေါင်း များစွာကြာနေပြီဖြစ်တဲ့ အကို၊ ညီမတွေကို တွေ့ ဖို့ သွားရပါတယ်။ မိဘတွေ အနေနဲ့ လဲ တစ်ခေါက်တစ်ခေါက် ရောက်ဖို့ ကလွယ်တာ မဟုတ်လို့ အခုလက်ရှိ အဲဒီနိုင်ငံမှာ ရောက်နေတုန်း လေး ကိုလာစေချင်ကြတာပါ။ တကယ်ဆို ကျနော် အဲဒီကို ရောက်တော့ ဖေဖေနဲ့မေမေ က ပြန်ဖို့ တပါတ်ခန့်သာကျန်ပါတော့တယ်။ မပြန်ခင် မီတယ် ဆိုရုံကလေး မျှသာဖြစ်ပါတယ်။

ကျနော် ရောက်တော့ မိသားစု စုံစုံလင်လင် နဲ့ ဟိုး အရင် က လို   ပျော်ပျော် ပါးပါး  နောက်နောက် ပြောင်ပြောင် ပြန် ဖြစ်လာပါတယ်။ အတူသွား၊ အတူစား၊ ပြီးတော့ မတွေ့ရတာ ကြာပြီဆိုတော့ လူတိုင်းမှာ စကားတွေလဲ ပြော မကုန်နိုင် အောင်ပါပဲ။ ကျနော်က ဘာလီက အကြောင်း၊ အင်ဒိုနီး ရှား၊ မလေးရှား မှာ နေထိုင်အလုပ်လုပ် ရတဲ့ အကြောင်းတွေ ပြောသလို အကိုတွေ ညီမတွေကလဲ သူတို့ ဆီက အကြောင်းတွေ၊ မေမေနဲ့ ဖေဖေနဲ့ ကလဲ ရွှေပြည်တော်က အကြောင်း တွေ စသဖြင့်ပေါ့။ ကျနော့် အတွက် တော့ ကမ္ဘာ့ အရှေ့ဖျား က ကျွန်းနိုင်ငံလေး ရဲ့ ဖွံ့ဖြိုး တိုးတက်ပုံ ထက် စည်းကမ်းကြီးပုံ၊ အလုပ်အပေါ် တန်ဖိုးထား ကျိုးစားပုံတို့ ကိုသာ တအံ့တသြ ဖြစ်နေပါတော့တယ်။ နေရာတကာ လက်ညိုးတထိုးထိုး နဲ့ သိချင်တာ မှန်သမျှမေး လာလိုက်တာ အမှိုက် ကို အမှိုက် အမျိုးအစား အလိုက် ရက်သတ်မှတ်ပြီး ပစ် တဲ့ အကြောင်း၊ အိမ်ရှေ့ က အမှိုက် အထုပ်ကလေးတွေကို ပိုက်ကွန်အုပ်ထားတဲ့ အကြောင်းတွေကို ပါ တွေ့ မြင်ရပါတယ်။ ပိုက်ကွန်နဲ့ မအုပ်ရင် သူတို့ စီက ကျီးကန်းတွေက ထိုးဆွ ပြီး စားစရာ ရှာတတ်တဲ့ အတွက် အမှိုက်တွေ လမ်းပေါ်မှာပြန့် ကျဲနေတတ်လို့ အုပ်ထားတာ ဖြစ်ကြောင်းညီမဖြစ်သူက ရှင်းပြပါတယ်။

အဲဒီ မှာ တိုကျို မြို့ လည် က အတင့်ရဲလှတဲ့ တောကျီးကန်း (Large-billed Crow) တွေကို သတိပြု မိပါတယ်။ တောကျီးကန်း နဲ့ မြို့ ကျီးကန်း (House Crow) မတူတာက တောကျီးကန်း က ခန္ဓာကိုယ် ပိုကြီးရုံမျှ မကပဲ နှုတ်သီးက သိသိသာသာ ကြီးပါတယ်။ မြို့ ကျီးကန်း တွေလို မျိုး အာ ရင် "အား အား အား " လို့ မထွက် ပဲ "အား" နဲ့ "ဂဲ" ဆိုတဲ့ အသံ နှစ်သံ အကြားထွက် ပြီး ပို ကျယ်ပါတယ်။ ငှက်ပေါက် ကလေးတွေ၊ ကြွက်၊ ပုတ်သင် စတဲ့ အကောင်တွေကို အရှင်လိုက် ပေါက်သတ်ပြီး စားတတ်ပြီး အလွန်လဲ စည်းလုံးကြပါပေတယ်။

ကျနော်လဲ ဖေဖေ၊ မေမေ နဲ့ ညီမတွေ နဲ့ လည်ပတ်ရာ က အပြန် ညီမတွေ အိမ်နား အရောက်လမ်းဘေး ဓါတ်တိုင်ပေါ်မှာ တန်းစီ ပြီး နားနေတဲ့ တောကျီးကန်း တွေ ကိုတွေ့တော့ ဘယ်လိုမှ ချိုး နှိမ်လို့ မရတဲ့ ၀ါသနာ ကြောင့်  တောကျီးကန်း အသံ တု လုပ်လိုက်ပါတယ်။ ကျနော် ငှက်တွေ၊ တိရိစ္ဆာန်တွေရဲ့ အသံတု လုပ်ပြရင် သဘောကျလေ့ ရှိတဲ့ ဖေဖေ က" ဟေ့ကောင် မလုပ်ပါနဲ့ ကွ" ဆိုပြီး အသည်းအသန် တားတော့ မေမေနဲ့ ညီမတွေ က ၀ိုင်းရယ်ကြပါတယ်။

အကြောင်းကတော့ တနေ့မှာ ဖေဖေက အမှိုက်ထုပ် ကို ချောင်းနေတဲ့ ဓါတ်တိုင်ပေါ်က တောကျီးကန်းတွေကို သူတို့ အသံတု လုပ်ပြီး လှမ်းစ ပါသတဲ့။ အဲဒီမှာ တောကျီးကန်း အုပ်စုကသူရို့ ကို ရန်စ ပါတယ် ဆိုပြီး ၀ိုင်း "အာ" ရုံ တင်မက ပဲ ဖားသားကြီး ကို ၀ိုင်း "သမ" ဖို့ ဆင်းလာကြလို့ အိမ်ထဲ ကို အမြန်ပြန်ဝင် ပြီး ပုန်းနေရပါတယ်။ ဒေါသထွက်နေတဲ့ တောကျီးကန်း အုပ်က ဇွဲကောင်းကောင်း နဲ့ အပြင်မှာ စောင့်နေလို့ အပြင် ကိုတော်တော် နဲ့ မထွက် နိုင်ဖြစ်နေပြီး ညနေစောင်း မှ အပေါ် အင်္ကျီ လဲပြီး ထွက်ရပါသတဲ့။ အဲဒီနောက် ပိုင်းမှာ တောကျီးကန်း တွေကို မစ ရဲတော့ ပဲ ဝေးဝေးက ရှောင်ရပါတော့တယ်။              

တိုကျိုက အန်းဂရီး ဘတ် တွေကို တော့ ဖားသားကြီးလဲတော်တော်လေးစား သွားပုံရတယ်။ လမ်းမှာ တွေ့တိုင်း "စလု" ကိုပေးလို့။                ။

Photo

ဆက်ဖတ်ကြည့်မယ်...

ပြန်သိမ်းပေးခဲ့မယ်....

ကြောင်နံ့သာ

တနေ့ က ညဆယ်နာရီ ကျော်ကျော်လောက်မှာ မှ သမီး အကြီးမလေး က ဘာဂါ စားချင်ပါတယ် ဆိုပြီးဂျီနေ လို့ အပြင်မထွက်ချင်တော့ ပဲ ပျင်းနေတဲ့စိတ်ကို အသာချိုးနှိမ် ပြီးသွား ၀ယ်ရပါတယ်။ ဘာဂါ ဆိုင်က ဆဲဗင်းအလဲဗင်း ဆိုင်ကို အမှီပြု ဖွင့်ထားတာ ဖြစ်ပြီး ညပိုင်း မှသာ ထွက်ပါတယ်။ စေတနာ နဲ့ လက်ရာလေးက ကောင်းတော့ အဲဒီ ဘာဂါဆိုင်မှာ စောင့်နေတဲ့ သူ သုံးလေး ယောက်တော့ အမြဲလိုလိုရှိတတ် ပါတယ်။ ထုံးစံ အတိုင်း ကိုယ့်ရှေ့ ကမှာထား တဲ့ သူတွေ စောင့်နေရတာ နဲ့ ပဲ နာရီဝက်သာသာ လောက် တော့ ကြာသွားလို့ အိမ်ကို အမြန်ရောက်ချင် ဇောနဲ့ မီးပွိုင့် ကို ရှောင်ချင်တာ ကြောင့် လမ်းမကြီး က မမောင်းတော့ပဲ လူနေရပ်ကွက် ကနေ ဖြတ် ဖို့ အကြံနဲ့ ကားကို ကွေ့ဝင်လိုက်ပါတယ်။ လူနေရပ်ကွက် ဆိုပေမယ့် လုံးချင်း အိမ်လေး တွေနဲ့ ခြံဝန်း သီးသန့် နဲ့ ဆိပ်ငြိမ်ရပ်ကွက် ဆိုတော့ သစ်ပင်တွေ အုပ်အုပ် ဆိုင်းဆိုင်း နဲ့ ခပ်မှောင်မှောင်ပါ။ လမ်းသွယ်လေးတွေ ရှုပ်ရှုပ် ထွေးထွေး ဆိုတော့ မကြာခဏ သွားနေကျ ဆိုပေမယ့် မကြာ ခဏ ဆိုသလို ပဲ လမ်းမှားလေ့ရှိပါတယ်။ လမ်းသွယ်လေး တစ်ခု ထဲကို ချိုးဝင်လိုက် တဲ့ အခါမှာ ခွေး တစ်ကောင်လောက် အရွယ်ရှိတဲ့ မီးခိုးရောင် အကောင် ကြီး တစ်ကောင် လမ်းဘေး က ပန်းခြုံ အနီးမှာ ကားမီးရောင် ကို စူးစိုက် ပြီး ကြည့်နေတာ တွေ့လိုက်ရ လို့ ရုတ်တရက် ကြက်သီးဖြန်းဖြန်းထ ပြီး ဘရိတ် ကိုယောင်ပြီးနင်း လိုက်မိပါတယ်။ မလေးရှား နဲ့ အင်ဒိုနီးရှား မှာက ဒါမျိုးတွေ ပေါတယ် ဆိုပြီး နာမည်ဆိုးနဲ့ ကျော်ကြားလေ့ ရှိတတ်တယ်လေ။

အနှီ သတ္တ၀ါကတော့ စက္ကန့် အနည်းငယ် မျက်လုံးစိမ်းစိမ်း တစ်စုံနဲ့ သေချာ စူးစိုက် ကြည့် နေရာက ရုတ်တရက် မီးခိုးလိုမျိုး အငွေ့တွေ ထွက်လာပြီး လမ်းဘေး ကွန်ကရစ်မြောင်းဘေးကို ခုန်ဆင်း ပျောက်ကွယ်သွားပါတယ်။ ဒါပေမယ့် သူဘာကောင် ဆိုတာ သိလိုက်ရပြီ ဖြစ်လို့ ကြောက်စိတ်ထက် ကျေနပ် ပီတိဖြစ် တဲ့ စိတ် နဲ့ အိမ်ကို ပြန်လာ ခဲ့ပါတော့တယ်။

တကယ်ဆို ကျနော် အဲဒီ အကောင်မျိုး ကို သဘာဝ အတိုင်း တွေ့ ရတာ ဒါဟာ ဒုတိယ အကြိမ်မြောက်ပါ။ ပထမ အကြိမ်က လွန်ခဲ့ တဲ့ ငါးနှစ် ကျနော် မလေးရှားကို ရောက်စ တုန်းက အဲဒီအကောင်မျိုး တစ်ကောင် ခြံစည်းရိုး အပေါ်မှာ တတ်ထားတဲ့ သံဆူးကြိုး အခွေ အတိုင်း လျှောက်သွား နေတာကို ကျနော်နေထိုင်ရာ ကွန်ဒို ၀ရံတာကနေ လှမ်းတွေ့ ခဲ့ဘူးပါတယ်။ ကျနော့်စိတ်ထဲ မှာ ထူးဆန်းနေတာက အဲဒီလို တောနက်ထဲမှာသာရှိသင့်တဲ့ အကောင်မျိုးကို ကွာလာလမ်ပူ မြို့လည် ကောင် မျှော်စင် ညီနောင် နဲ့ မလှမ်းမကမ်း မှာ တွေ့ ရတာကိုပါ။

အဲဒီ ကြောင်နံ့ သာ (Malayan Civet - Viverra Tangalunga) လို့အမည်ရတဲ့ တောကြောင်ကြီးမျိုးကို မလေးလို မူဆန်း (Musang) လို့ ခေါ်ပြီး မလေးရှားကျွန်းဆွယ် အနှံ့အပြား အပြင် အရှေ့ဘက်နဲ့ အနောက် ဘက်က ကျွန်းတွေ မှာကျက်စားတယ် လို့ ဆိုပါတယ်။ ဒါ့အပြင် ဘော်နီယို၊ ဆုမတြ နဲ့ ဖိလစ်ပိုင် ကျွန်းစု တွေမှာ လည်း အများအပြား တွေ့ရ တတ်တယ် လို့ သိရပါတယ်။ တကယ်တော့ ကြောင်နံ့သာ အနေနဲ့ အရှေ့ တောင်အာရှ နိုင်ငံတော် တော်များများ မှာ ဒေသခံအနေနဲ့ တွေ့ရတတ်ပြီး တခြားမျိုး တူ တစ်ဝမ်းကွဲ မိသားစုဝင်တွေနဲ့ မတူတာက သူ့ရဲ့ အမည်းရောင် ခြေလေးခြောင်းနဲ့ မီးခိုးရောင် အကွက်တွေ အပြင်၊ အမြီးကို အလှဆင်ထားတဲ့ အဖြူ မီးခိုး အစင်းအကြားတွေကြောင့် သိသာထင်ရှားတဲ့ သွင်ပြင်လက္ခဏာ ရှိတယ် လို့ ဆိုရမှာပါ။ တောကြောင် လို့ ယေဘုယျ ခေါ်နေပေသြော်ငား ကြောင် နဲ့ အနည်းငယ် ဆင်သလို ဖြစ်နေယုံမျှသာဖြစ်ပြီး ကြောင်အမျိုး အနွယ် လုံးဝ မဟုတ်ပေ။ အခြား အသားစား နို့တိုက်သတ္တ၀ါ တစ်မျိုးမျှသာ ဖြစ်ပြီးမြွေပါ (mongoose) အမျိုး အနွယ် နဲ့ ပိုနီးစပ်ပါတယ်။  ကြောင်နံ့သာတွေ ဟာ တစ်ကိုယ်တော် ကျင်လည် ကျက်စားတတ်တဲ့ (solitary animal) တိရိစ္ဆာန် မျိုး ဖြစ်ပြီး တနေကုန် လုံခြုံစိတ်ချရဲ့ အသိုက် အမြုံမှာ အိပ်စက် အနားယူပြီး ညဉ့် အမှောင် ကို အကာအကွယ် ယူပြီး အစာရှာ ထွက်လေ့ရှိတယ်။ အသားစား သတ္တ၀ါ (carnivorous animal) ဖြစ်ပြီး မြေကြွက်၊ တောကြွက်၊ ရှဥ့်၊ ဖွတ်၊ ပုတတ်၊ ပုတ်သင်၊ ဖား၊ မြွေ စတာ တွေကို အစာအဖြစ် ဖမ်းစီး စားသောက်တတ်ပြီး မြေကျင်း ကြီး တွေတူးပြီး နေတတ်သလို သစ်ပင်အကြီးကြီး တွေ ရဲ့ အမြင့်ဆုံး အပိုင်း တွေကိုလဲ တက်နိုင်ကြပါပေတယ်။

လှုပ်ရှားမှု့ မြန်ဆန် သွက်လက်ပေသြော်ငား ကြောင်ကြီး မျိုးနွယ် တွေဖြစ်တဲ့ ကျား၊ ကျားသစ် တို့ အပြင် စပါးကြီး၊ စပါးအုံး လို မြွေကြီးများ၊ မိကျောင်း များ ရဲ့ အစာ အဖြစ်ကိုတော့ မကြာခဏ ကျရောက်တတ်တယ် လို့ ဆိုပါတယ်။ ကြောင်နံ့သာ အမ တွေဟာ နှစ်လ လောက် ကိုယ်ဝန်ဆောင်ပြီးတာ နဲ့ သားငယ် လေးကောင် ခန့် အထိပေါက် ပြီး ကလေးတွေ အရွယ်ရောက်၊ ကိုယ့်အစာ ကိုယ်ရှာစားတတ်တဲ့ အရွယ် အထိ မိခင်က စောင့်ရှောက်ပေးပါတယ်။ သူတို့ တွေဟာ အသက် နှစ်ဆယ် ခန့် အထိနေနိုင် ပေမယ့် အဲဒီ အရွယ်အထိ အသက်ရှည်ရှည် နေနိုင်တဲ့ အကောင်မျိုး အလွန်တွေ့ ရခဲတယ် လို့ ဆိုပါတယ်။ ကြောင်နံ့သာ တွေဟာ သဘာဝအရ သားကောင်ငယ်တွေကို ဖမ်းစီးစားသောက်တတ်တဲ့ တောရိုင်း သတ္တ၀ါ ဖြစ်လို့ အိမ်မွေးတိရိစ္ဆာန်အဖြစ် မွေးလို့ မရပါဘူး။ ဒါပေမယ့် တာမန်နီဂါရာ (Taman Negara National Park) မိုးသစ်တော ကြီးထဲမှာ လှည့်လည် ကျက်စား နေထိုင် ကြတဲ့ အော်ရန်အက်စလီ (Orang Asli) လူမျိုး တစ်ချို့ ဟာ အဆိုပါ အကောင်တွေ ကို သူတို့ နဲ့ အတူသွားလေရာ ခေါ်သွား လေ့ရှိတယ် လို့ ဆိုတယ်။

ဝမ်းနည်းစရာ ကောင်းတာက သစ်အလွန်အကျွံ ထုတ်လုပ်တာ နဲ့ မိုးသစ်တောကြီးတွေကို ဆီအုန်း စိုက်ခင်းတွေ အဖြစ် အသွင်ပြောင်းတာ တွေကြောင့် တခြား တောရိုင်းတိရိစ္ဆာန်တွေ နည်းတူး စိုးရိမ် စရာခြိမ်းခြောက် မှု့ ကိုခံစား နေရပါပြီ။ နောင် နှစ်အတန် ကြာလာရင် ကမ္ဘာပေါ်မှာ မျိုးတုန်း ပျောက်ကွယ် သွားတဲ့ အမွှေးရှည် ဆင်ကြီးတွေ၊ ကျားသစ်ကြီးတွေရဲ့ လမ်းကို လိုက်ကောင်း လိုက်ပါလိမ့်မယ်။ ဒါမှမဟုတ် ပိုးဟတ် တွေလိုမျိုး နှစ်သန်းပေါင်းများစွာ အထိ မျိုးဆက် မပျောက် ပဲ ရှင်သန်ကောင်း ရှင်သန်ပေလိမ့်မယ်။ ချားလ်စ်ဒါဝင် (Charles Darwin)နဲ့ ဟားဘတ်စပန်ဆာ (Herbert Spencer) တို့ ရဲ့ "Survival of the fittest" ဆိုတဲ့ စကားရှိတယ် မဟုတ်လား။              ။


ကိုးကား။              ။ A Field Guide to Mammals of Southeast Asia by Charles M. Francis

ဓါတ်ပုံ
- Malayan Civet by Adam Slavický  
- Malayan Civet caught by trapped camera by da-naturalist.blogspot.com

ဆက်စပ် ဖတ်စရာ
Malaysia Home of Most Diverse Ecosystem
A Trip to Taman Negara National Park 
A Trip to Taman Negara National Park - 2

ဆက်ဖတ်ကြည့်မယ်...

ပြန်သိမ်းပေးခဲ့မယ်....

ဂျာကာတာ ခဏလေးများ

ပျော်ပျော်ရွှင်ရွှင် ရှော့ပင်ထွက်လို့ကောင်းတဲ့နေရာ၊ အင်ဒိုနီးရှားရဲ့ အကောင်းဆုံး အစားအသောက် တွေရ နိုင်တဲ့ မြို့၊ ယဉ်ကျေးမှု့အမွေအနှစ် တွေနဲ့သမိုင်းဝင် အထိမ်းအမှတ်တွေ စုစည်းရာ ဌာန၊ ပူနွေးစိုစွတ် တဲ့ ပါတ်ဝန်းကျင် နဲ့ ကြပ်ညပ်နေတဲ့ လမ်းမ ကျယ်ကြီးတွေရဲ့ အချိန်ကြာမြင့်စွာ ပိတ်ဆို့ နေတာတွေကို စိတ်ရှည်သည်းခံ နိုင်မယ် ဆိုရင် အရှေ့တောင်အာရှရဲ့ အကြီးဆုံး ဂျာကာတာ မြို့ ကိုတစ်ခေါက်လောက်တော့ အနည်းဆုံး လည်သင့် တဲ့ နေရာ လို့ ဆိုချင်ပါတယ်။ အင်ဒိုနီးရှား နိုင်ငံ ဘာလီကျွန်း မှာအလုပ်တာဝန် နဲ့ နေထိုင်စဉ် အတွင်း ဂျာကာတာ ကို အလုပ်ကိစ္စ အကြောင်းအမျိုးမျိုး နဲ့ ရောက်ဖြစ်ခဲ့ပါတယ်။ ရောက်တဲ့ အခေါက်တိုင်း ၂၄ နာရီထက် ပိုပြီး မနေဖြစ်ခဲ့ပေမယ့် အရှိန်အဟုန် နဲ့ ဖွင့်ဖြိုးတိုးတက် နေတဲ့ ဂျာကာတာ ကို တွေ့ကြုံ ခံစား ဖြစ်ခဲ့ပါတယ်။


လူဦးရေ ဆယ့်သုံးသန်း ကျော် မှီတင်း နေထိုင်ရာ အင်ဒိုနီးရှားရဲ့ မြို့တော် ဂျာကာတာ ဟာ သန်းပေါင်းများစွာသော ဆိုင်ကယ် တွေ၊ ကားတွေနဲ့ အမြဲ ရှုပ်ထွေး ပြည့်ကြပ်နေပြီး နေ့စဉ် နှင့် အမျှ လဲ ကျွန်းပေါင်း သောင်း သုံးထောင်ကျော်က ဒေသတွင်း ခရီးသွား တွေ စီးဝင် စီးထွက် နေရာ မြို့တော်ကြီးပဲ ဖြစ်ပါတယ်။ ဂျာကာတာ ကို မဖြစ်မနေ သွားရမယ့် ကိစ္စ တွေရှိလာတော့ ပထမ ဘာလီကျွန်းကနေ ဂီလီထရမ်ဝမ်ဂန် ဆိပ်ကမ်းကို ကိုယ့်ဖာသာ မောင်းသွား ပြီး အဲဒီကနေ မှ တဆင့် ဂီလီမာနောက် (Gilimanauk) ကို မော်တော်ကား တွေ ကွန်တိန်နာ တွေတင်တဲ့ ဇက်သင်္ဘောနဲ့ ဂျာဗားကျွန်း မကြီး ကိုရောက်၊ အဲဒီနောက် ဆူရာဗာရ (Surabaya) ကနေ တဆင့် ဆင်မာရမ် မြို့ (Semarang) မြို့ကို ဖြတ်ပြီး မြို့တော် ဂျာကာတာ အထိခရီးရှည် နှစ်ရက်ခန့် မောင်းပြီး နောက်တစ်နေ့ မှာ ဂျာကာတာ မှာလုပ်စရာ ကိစ္စ မှန်သမျှ လုပ်ပြီး အပြန်ကို တခြားဘက်က ပတ်ပြီး နာမည်ကျော် ဘန်ဒေါင်း (Bandung) နဲ့ ဂျိုဂျကာတာ (Yogyakarta) ကိုဖြတ်ပြီး ဂီလီမာနောက် ကနေမှ တဆင့် ဘာလီကို အပြန်ဖယ်ရီ ပေါ်ကို မောင်းတင်ပြီး အေးအေးဆေးဆေး ပြန်မယ် ဆိုပြီး ကြံစည် ထားခဲ့ ပါတယ်။

ရုံးက အော်ပရေးရှင်း မန်နေဂျာ ကာဒက် (Kadet) ကို လမ်းကြောင်း သေချာမေး၊ မြေပုံ နဲ့ သေချာ တိုက်ပြီး အလုပ်ကပေးထားတဲ့ တိုရိုတာ ဖိုးဝှီး ကို တောင့်တင်းအောင်ပြင်ဆင်ပေးဖို့ အကူအညီတောင်းထားခဲ့ပါတယ်။ သို့ပေမင့် တကယ်တမ်း သွားဖြစ်ခဲ့တဲ့ အခေါက်တိုင်းမှာတော့ Lion Air နဲ့ လေကြောင်းကချည်းသာ သွား ခဲ့ရပါတယ်။ မနက်စောစော သုံးနာရီလောက်ထ၊ ဒန်ပါဆာ (Denpasar) လေဆိပ်မှာ ကားရပ်ခဲ့ ပြီး အစောဆုံး လေယာဉ်နဲ့ ဂျာကာတာကို သွား၊ တနေကုန် လုပ်စရာ ရှိတာလုပ်၊ နောက်အကျဆုံး ဆယ့်တစ်နာရီလေယာဉ်နဲ့ ၊ ဘာလီကို ပြန်လာ၊ နောက်တနေ့မနက် နှစ်နာရီလောက် ပြန်ရောက်၊ မနက်ရုံး မှီအောင် တက်၊ အဲလိုချည်းသာ အခြေအနေအရ အလျဉ်မှီ စီစဉ် သွားလာခဲ့ရပါတယ်။ နှစ်နာရီကျော် စီးရတဲ့ လေယာဉ်ပေါ်က ဆင်းတာနဲ့ လေဆိပ်က မှီရာ ဘတ်စကားနဲ့ အလုပ်ကိစ္စတွေရှိရာ ဂျာကာတာမြို့လည်ခေါင် (Pusat Jakarta - Jakarta City Center) ကို (ကားမပိတ်ရင် တစ်နာရီခန့်၊ ကားကြပ်ရင် မခန့်မှန်းနိုင်) စိတ်ရှည်သည်းခံ ပြီး ရောက်အောင် သွားရပါတယ်။ ပထမ အခေါက်တွေက အမြန်ရောက်ချင်ဇောနဲ့ တက္ကစီ စီးခဲ့ ပေမယ့် ဘတ်စကား နဲ့ ရောက်ချိန် သိပ်မကွာဘူး ဆိုတာ နောက်ပိုင်းမှာ သိလာခဲ့ရလို့ ဘတ်စကားပဲ စီးပါတော့တယ်။ အမျိုးသားကျောက်တိုင်ရှိရာ မြို့လည်က ပြည်သူ့ ရင်ပြင် (Merdeka Square) ၀န်းနားက ဘတ်စ်စတေရှင် ကနေ သုံးဘီး ဆိုင်ကယ် ဒါမှ မဟုတ် ဆိုင်ကယ် တက္ကစီနဲ့ အလုပ်ကိစ္စရှိတဲ့ နေရာ ကို ခရီးဆက်ရပါတယ်။


ဂျာကာတာ ဟာ ဖွံ့ဖြိုးတက်မှု့ နဲ့ စီးပွားရေးရာ တောင့်တင်းမှု့ကို အဆင့်မြင့် ရှော့ပင်းစင်တာကြီးတွေနဲ့ တင် ဂုဏ်ယူဝင့်ကြွားစွာ သက်သေပြနိုင်ပါတယ်။ ဒေသခံ အင်ဒိုနီးရှန်း တွေရဲ့ ၀ယ်ယူနိုင်စွမ်း (purchasing power) ကို သိသာထင်ရှားစေပြီး ဈေးနှုန်းနဲ့ ရွေးချယ် စရာ ပေါများ မှု့ တွေက တော့ ဒေသတွင်းက စင်္ကာပူ၊ ကွာလာလမ်ပူ နဲ့ ဟောင် ကောင် တို့ ကိုယှဉ်နိုင်တယ် လို့ ဆိုပါတယ်။ ပလာဇာအင်ဒိုနီးရှား (Plaza Indonesia) ဟာ ပထမဆုံး ရောက်ခဲ့ တဲ့ နေရာဖြစ်ပြီး ဂျာကာတာ ရှော့ပင်းစင်တာတွေထဲ မှာ ဥပမာ ပြစရာ ပုံသက်သေကောင်းပဲ ဖြစ်ပါလိမ့်မယ်။ အင်ဒိုနီးရှားရဲ့ အကောင်းဆုံး ရှော့ပင်းစင်တာတွေထဲ ကတစ်ခုဖြစ်ပြီး (Gucci, Georgio Armania, Bvlgaria) စတဲ့ နာမည်ကြီး (luxury brands) တွေ အပြင် ကမ္ဘာကျော် အင်ဒိုနီးရှား ပါတိတ်တွေ ကိုလဲ ခေတ်မှီ ဖက်ရှင်ဒီဇိုင်း အမျိုးမျိုး နဲ့ တီထွင် ဆန်းသစ်ထားတဲ့ ဆိုင်တွေလဲ များစွာ တွေ့ ရမှာ ဖြစ်ပါတယ်။ တစ်ယောက်တည်း သွားခဲ့ တဲ့ အခေါက်တွေမှာ ရှော့ပင်းစင်တာ တွေ ကို စိတ်မ၀င်စားပေမယ့် မိသားစု နဲ့ ရောက်ခဲ့ တဲ့ အခါ မှာတော့ ခြေတို လာလို့ လော်ဘီ မှာ တစ်ယောက်တည်း ဖြစ်သလို ထိုင်စောင့် ခဲ့ရပါ တယ်။ ခြေတို သက်သာပေသော်ငြား စောင့်ရ မျှော်ရလွန်းလို့ လည်ပင်း တော့ နည်းနည်း ပိုရှည်လာလိမ့်မယ် တော့ထင်ပါတယ်။


ဂျာကာတာ မှာ အင်ဒိုနီးရှား ရဲ့ ရှေးဟောင်း အမွေ အနှစ်တွေ လေ့လာ ခံစား နိုင်မယ့် နေရာ မိုနာ့ စ် (Monas) ကိုမရောက်ခဲ့ဘူး ဆိုရင်တော့ ဂျာကာတာ ကိုရောက်ခဲ့ တယ်လို့ ပြောရမှာ တော်တော် ခက်ပါလိမ့်မယ်။ တကယ်တော့ မိုနာ့စ် ဆိုတာ အင်ဒိုနီးရှား ဆိုတာ ဖြစ်လာအောင် တိုက်ခိုက်ရယူလို့ အောင်မြင်မှု ရခဲ့ တဲ့ အထိမ်း အမှတ် ကျောက်တိုင်ကြီးပဲ ဖြစ်ပါတယ်။ မိုနာ့စ် ဆိုတာကလဲ ဘာဟာဆာ အင်ဒိုနီးရှား လို အတို ကောက် (Monumen Nasional - Mo Nas) ခေါ်တာ ပဲ ဖြစ်ပါတယ်။ လေးရာလေးဆယ့် သုံးပေ မြင့်တဲ့ မိုနာ့စ် ကို ၁၉၆၁ ခုနှစ်မှာ သမ္မတကြီး ဆူကာနို ရဲ့ ညွှန်ကြား ချက်နဲ့ ဆောက်ခဲ့တာ ဖြစ်ပြီး ၁၉၇၅ ခုနှစ်မှာ အများ ပြည်သူ လေ့လာကြည့်ရှု နိုင်ရန် ဖွင့်လှစ်ခဲ့တယ် လို့ ဆိုပါတယ်။ အတွင်းပိုင်းမှာ ဟိန္ဒူဧကရာဇ် မဂျပထစ် (Majapahit) ကစပြီး လွတ်လပ်သော အင်ဒိုနီးရှား နိုင်ငံ အဖြစ် ရင့်ကျူး နိုင်ခဲ့တဲ့ ၁၉၄၅ ခုနှစ်၊ သြဂုတ်လ ၂၇ ရက်နေ့ အထိ အင်ဒိုနီးရှား ရဲ့ ရုန်းကန် လှုပ်ရှား လာခဲ့ရတဲ့ နိုင်ငံရေး သမိုင်း ကို ပုံတူ သေသေး ကလေး တွေ နဲ့ ပြကွက် တစ်ခုခြင်း၊ တစ်ခန်း ခြင်း အသေးစိပ် ပြထားပြီး အင်္ဂလိပ်၊ ဘာဟာဆာ အင်ဒိုနီးရှား နှစ်ဘာသာ နဲ့ ရေး ထားတဲ့ ကြေးပြား လေးတွေ တစ်ခန်းခြင်း စီမှာ ကပ်ထားပါတယ်။

မိုနာ့စ် အပေါ်ကို မတက်မှီ အောက်ထပ် က အလင်းရောင် မှိန်မှိန်နဲ့ ခန်းမကျယ်ကြီး က ပြခန်း ပြကွက်တွေကို တစ်ခုခြင်း၊ တစ်ခန်းခြင်း အသေးစိပ် ဖတ်နေမယ် ဆိုရင် တစ်နေကုန် လောက် ကြာ နိုင်မယ် ထင်ပါတယ်။ ပြတိုက် တို့ ရဲ့ ထုံးစံ အတိုင်း အလယ်တန်း၊ အထက်တန်း ကျောင်းသူ ကျောင်းသား အုပ်စုတွေနဲ့ ပြည့်နေပြီး ဒေသတွင်း ခရီးသွား တွေလဲ တဖွဲဖွဲ လာလေ့လာ ကြည့်ရှု့ နေကြတာ တွေ့ရပါတယ်။ မိုနာ့စ် ရဲ့ အပေါ်ထပ် (Observation Deck) မှာတော့ မြို့တော် ဂျာကာတာ ရဲ့ ရှုခင်း ကို မြင်ကွင်းကျယ် ခံစား နိုင်မှာပါ။ ပူအိုက် စိုစွတ်လှတဲ့ ဂျာကာတာ ရဲ့ ရှုခင်း ကို ထောင့် အမျိုးမျိုးကနေ ချွေးတလုံး လုံး နဲ့ ဓါတ်ပုံ ဗွီဒီယို ရိုက် နေတဲ့ နိုင်ငံတကာ ခရီးသွား တွေလဲ မနည်းလှပါဘူး။

တစ်ခေါက်မှာ မိုနာ့စ်က အပြန် ပါဆာဘာရူး (Pasar Bharu - New Market) ကို သုံးဘီး ဆိုင်ကယ် နဲ့ ရောက်ခဲ့ပါတယ်။ ရှေးဟောင်း ပစ္စည်း တွေ ရောင်းတဲ့ ဆိုင်း တန်းတွေကို လူရှုပ်ရှုပ် ကို ဆန်ပြီး ဖြတ်အပြီး မှာ ဂျာကာတာ ရဲ့ ရုံးကန် လှုပ်ရှား နေရသူ အခြေခံ လူတန်းစား တွေရဲ့ ဘ၀ကို တစ်စိတ် တစ်ဒေသ မြင်သာ နိုင်ပါတယ်။ မိုးမျှော် တိုက်ကြီးတွေ၊ အဆင့်မြင့် ရှော့ပင်းစင်တာကြီး တွေ၊ အကောင်းဆုံး စားသောက်ဆိုင်ကြီးတွေ၊ ကြယ်ငါးပွင့် ဟော်တယ်ကြီး တွေကို နောက်ဆုံးပေါ် ဇိမ်ခံကား မျိုးစုံ နဲ့ သွားလာစား သောက် နေနိုင်တဲ့ သူတွေ အများကြီး ရှိသလို ကြိုက်လွန်းလှတဲ့ ကိုပီဂျာဟေး (Kopi Jahe - ဂျင်းနံ့ ပါတဲ့ ကော်ဖီ) ကို တစ်ထုပ် ရူပီးရား နှစ်ထောင် (မြန်မာငွေ နှစ်ရာကျပ်ခန့်) ကို မကြာခဏ မသောက် နိုင်တဲ့ သူတွေ နဲ့ လဲ တွေ့ ခဲ့ ရပါတယ်။ ကျနော် Grand Hyatt ဟိုတယ် လော်ဘီ အပေါက်နားမှာ ဆေးလိပ်သောက်နေတုန်း နောက်ဆုံးပေါ် ကားအမျိူးမျိူး မောင်းဝင်လာပြီး ဟိုတယ် ၀န်ထမ်းကို ကားသော့ ပစ်ပေး ပြီး ၀င်သွား တဲ့ ချမ်းသာသူ လု့ မလိုင်များ စွာ ကို တွေ့ ခဲ့ရသလို၊ သံချိတ် အကောက် တတ်ထားတဲ့ တုတ်တစ်ခြောင်း ကိုကိုင်ပြီး ဆာလာအိပ် အကြီးကြီး ထဲမှာ ပလတ်စတစ်၊ သံတိုသံစ စတာ တွေ လိုက်ကောက် နေတဲ့ ဒေသခံ ကြီးကြီး ငယ်ငယ် တွေကို လဲ တွေ့ခဲ့ ရပါတယ်။

ပါးမှာ သနပ်ခါး ပါးကွက်ကြားနဲ့ ပေါင်မှာ သေးစီးကြောင်း နဲ့ လုံမငယ် လို မိုးမျှော်တိုက်တာ အဆောက် အအုံကြီးတွေ၊ စီးပွားရေးစင်တာ ကြီး တွေ ရဲ့ ပြင် ပမှာ ဂျာကာတာ မြို့ ကို ပါတ်စီးနေတဲ့ ရေဆိုးထုပ် မြောင်းကြီး ဟာ မြစ်ကြီး တစ်စင်းလို ဖြစ်နေပြီး အမှိုက်သရိုက် ပလတ်စတ် တွေနဲ့ ပေါလော ပေါ် နေတာကိုလဲ မသတီစရာ တွေ့ မြင်နိုင်ဦးမှာပါ။ အခြေခံ နဲ့ အလယ် အလတ်တန်းစား တွေအားကိုးရတဲ့ ဘတ်စကား မှတ်တိုင် တွေမှာ လူတွေ စုပြုံ တိုးအုံ နေလေ့ရှိပြီး ဂျာကာတာ ရဲ့ ဆင်ခြေဖုန်း တွေ ဖြစ်တဲ့ ဘိုဂိုး (Bogor)၊ တင်ဂါရန် (Tingaran) စတဲ့ မြို့ငယ်လေးတွေ နဲ့ သွားလာ ချိတ်ဆက် မယ့် လူတွေ နဲ့ ဂျာကာတာ တီမော၊ ဘာရတ်၊ ဥတရ၊ ဆယ်လာတန် (Jakarta - Timor, Barat, Utara, Selatan - ဂျာကာတာရဲ့ အရှေ့၊ အနောက်၊ တောင်၊ မြောက်) ကို သွားလာ ကြမယ့် သူတွေ ဒွေးရော ယှက်တင် ရှိပါလိမ့်မယ်။

တစ်ခေါက်မှာ တော့ မနက် ကိုးနာရီ ကျော်ခန့် အလုပ်ကိစ္စရှိတဲ့ ရုံးတစ်ရုံး ကိုရောက်တော့ သူတို့ ရုံး က မဖွင့် သေးပါဘူး။ ခက်တာက ကိုယ့် မှာ ကလွယ်မထား အပ်တဲ့ ပြဿနာ မကြာခင် ပေါက်ကွဲ တော့ မယ့် အခြေ အနေ ဆိုတော့ အဲဒီရုံး က လုံခြုံ ရေး အစောင့် ကို ကိုး နာရီကျော် နေသည့် တိုင် မဖွင့် သေးတဲ့ အကြောင်း စိတ်မရှည် တဲ့ လေသံ နဲ့ အပြစ်တင် ပြေဆိုမိပါတယ်။ အမှန်က ဂျာကာတာ နဲ့ ဘာလီ စံတော်ချိန် မတူပဲ တစ်နာရီတိတိ ကွာ တာ ကို ကျနော် မေ့နေတာပါ။ ခက်တာ က သူ့ နေနဲ့ လဲ ဖွင့် ပေးလို့ မရပါဘူးတဲ့။ တိုးအော်ပရေတာ ဆိုတာ ဘယ်နေရာ ဘယ်ဒေသက ဟော်တယ် မဆို ရင်းနှီး ကျွမ်းဝင် သလို မျိုး ဆိုတော့ အနီးဆုံး ကြယ်ငါးပွင့် ဟိုတယ်၊ ဟိုတယ် နီကိုး (Hotel Nikko - Pusat Jakarta) ကိုပဲ အမြန်ဆုံး နည်းနဲ့ သုတ်ခြေတင် ရပါတယ်။ ကိစ္စပြီး မှ အပွိုင့်မင့် ရှိရာ စောစောက ရုံး ကို ပြန်ပြေးရပါတယ်။ အဲဒီတစ်ခေါက် အဆိုပါ ရုံး က အပြန်မှာ ရိုဂျာ့ (Malay / Singapore - Rojak: Indonesia - Rujak) တစ်ပွဲစား၊ ရေသန့် ဘူးကြီးကြီး ၀ယ်ပြီး ယခု လက်ရှိ အမေရိကန်သမ္မတဘာရက်ဟူစိန်အိုဘားမား (President Barack Hussien Obama) တက်ခဲ့ရာ မူလတန်း ကျောင်းကလေး ကို ကြည့်ချင် လို့ ပြင်းထန် တဲ့ နေရောင်အောက် မှာ နာရီဝက်ကျော် လမ်းလျှောက် ပြီှးရှာ ခဲ့ရပါတယ်။


အစက တော့ ဘာရက်အိုဘားမား ကလေး ပုံ ကြေးရုပ်ကို မန်တန် ပန်းခြံ (Menteng) မှာ ထားခဲ့ ပေမယ့် နောက် ပိုင်း မှာ အကြောင်းအမျိုးမျိုး ကြောင့် သူငယ်ငယ် က တက်ခဲ့ ရာ မူလတန်း ကျောင်း ကိုပြောင်းရွှေ့ ခဲတယ် လို့ ဆိုပါတယ်။ ဘာရက်အိုဘားမား ဟာ ဖရန်စစ်ကန် အစစ်စီ မူလတန်းကျောင်း (Franciscan Asisi Primary School) မှာ ဘာရီဆိုတိုရိ (Barry Soetoro) ဆိုတဲ့ နာမည် နဲ့ ဇန်န၀ါရီလ ၁ ရက်နေ့ ၁၉၆၈ ခုနှစ် ကျောင်း အပ်ခဲ့ ပြီး သုံး နှစ်တိတိ တက်ခဲ့ ပြီး မိဘတွေ အိမ်ပြောင်းရွှေ့ တဲ့ အတွက် ယခု ဘာဆုကီ အလယ်တန်းကျောင်း (Besuki 01 Elementary School, Menteng) မှာ အမေရိကန်နိုင်ငံ ဟာဝိုင်ယီ ကို မပြောင်းရွှေ့ ခင် အထိ တစ်နှစ် တက်ခဲ့တယ် လို့ ဆိုပါတယ်။ အိုဘားမား တက်ခဲ့ တဲ့ ကျောင်း ကလေး က အပြန်မှာ ညနေ စောင်း နေပေမယ့် နေရှိန် ကတော့ မကျ သေးပါဘူး။ လမ်း အကြာ ကြီး လျှောက် ခဲ့ ရလို့ ပင် ပန်း နေတဲ့ ကျနော် ဟာ ကျောင်းလမ်း ထိပ်က ဆိုင်ကယ် တက္ကစီ ကိုငှား ပြီး လေဆိပ် ကို သွားတဲ့ ဘတ်စတေရှင် ကိုသာ ငှားလိုက်ပါတော့ တယ်။

အမှန်တကယ် တော့ မြို့တော် ဂျာကာတာ ဟာ ရက် အနည်းငယ် အချိန်ပေးပြီး လည်ပတ်မယ် ဆိုရင် အပိုင်း (၃) ပိုင်း ပိုင်း ပြီး လေ့လာသင့်ပါတယ်။ ရှေးဟောင်း အဆောက် အအုံတွေ၊ ဗလီ တွေ နဲ့ ခရစ်ယန် ဘုရားရှိခိုးကြီး တွေ ကို တစ်ပိုင်း၊ ယဉ်ကျေးမှု့ အမွေ အနှစ် တွေ ကို ပြခန်း၊ ပြတိုက် တွေမှာ လေ့လာဖို့ က တစ်ပိုင်း ထားပြီး ကျန်တဲ့ အပိုင်းကို တော့ ရှော့ပင်၊ စားသောက် ဆိုင်တွေ နဲ့ အပန်းဖြေ ပန်းခြံ၊ တိရိစ္ဆာန်ဥယျာဉ် တွေ ကို တစ်ပိုင်း ဆိုပြီး လမ်းသင့် သလို အချိန်ရှိသမျှ လေးကို စီမံ ခန့် ခွဲပြီး လေ့လာသင့် တယ်လို့ ဆိုရမှာပါ။

ဂျာကာတာ မှာ ဆုမတြား ကနေ အနောက် ပါပူးဝါး အထိ ကျွန်းပေါင်းစုံ က လူတွေကို သွင်ပြင် အမျိုးမျိုး ကွဲပြားစွာ တွေ့ ရမှာ ဖြစ်ပါတယ်။ ဂျာကာတာ က လူတွေ ပြောတဲ့ အင်ဒိုနီးရှန်း ဟာ အရမ်းမြန်ပြီး အင်ဒိုနီးရှန်း နဲ့ ဂျာဗား စကား ရောယှက် ပြီး ပြောတာ ဖြစ်လို့ ကျနော့် အတွက် နားလည်ဖို့ အင်မတန်ခက်ခဲပါတယ်။ ရှော့ပင်းစင်တာ တွေမှာ တွေ့ရတဲ့ အင်ဒိုနီးရှန်း တွေဟာ တီဗွီဇာတ်လမ်းတွေထဲ ကထက် ပိုပြီး သန့် ပြန့်ချောမော ကြပါပေတယ်။ ဆင်ခြေဖုံး ကလူ တွေ ကိုလည်း ဇာတ်လမ်းတွေ ထဲမှာ ထက် ပိုပြီး ခက်ခဲ စွာ အပမ်းတကြီး ရုန်းကန် နေရတာ ကို မမျှ မတ တွေ့ ရမှာ ဖြစ်ပါတယ်။

အင်ဒိုနီးရှားရဲ့ ပြည်တွင်း လေကြောင်း တွေရဲ့ ထုံးစံ အတိုင်း သတ်မှတ်ချိန်ထက် နောက်ကျပြီး မှ ဘာလီ ကိုပြန်ရောက် လာတဲ့ ကျနော်ဟာ (အခေါက်တိုင်းလိုလို) နောက်တစ်နေ့ မနက် နှစ်နာရီမှ သာ အိမ်ကို ပြန်ရောက်ပါတော့တယ်။ ဂျာကာတာ ကိုရောက် ခဲ့ တဲ့ ခဏတာ လေး တွေဟာ အပူနဲ့ အအေး၊ အမြင့် နဲ့ အနိမ့်၊ ချမ်းသာ ခြင်း နဲ့ ဆင်းရဲခြင်း တွေကို တပြိုင် နက်ထဲ ခံ စားလိုက် ရတဲ့ အိမ်မက် ဆန်ဆန် ဖြစ်ရပ်တွေ ချည်း သာ စိတ် အမြင် မှာ စွဲ ထင်နေပါတော့တယ်။ ။

ဝိဟာရမဟာဝိဟာရ ဂရဟ ဗုဒ္ဓဘာသာ အသင်း (ဘတ်စကားပေါ်မှ AATO)

ပြည်ထောင်စုသမ္မတမြန်မာနိုင်ငံတော်သံရုံး - ဂျာကာတာ (AATO)

ပြည်ထောင်စုသမ္မတမြန်မာနိုင်ငံတော်သံရုံး - ဂျာကာတာ (AATO)

ဂျာကာတာဆင်ခြေဖုံး (ဘတ်စကားပေါ်မှ AATO)

ဂျာကာတာမြို့လည်တစ်နေရာ (လူကူးကုန်းကျော်တံတားပေါ်မှ AATO)

ဖြည့်စွက်ချက်။ ။ ဂျာကာတာ မှာရိုက်လာတဲ့ ဓါတ်ပုံ တွေ အများစု က မှားပြီး ဖျက်မိသွားလို့ ဘာမှ မကျန်တော့ ပါ။ သို့ ပေမယ့် ကွန်မန့် ပေးလာတဲ့ ဦးပေါက်စ ကိုကျေနပ် စေချင်လို့ ရိုက်ခဲ့တဲ့ အထဲ က ရှိတာလေး တွေတင်လိုက် ပါတယ်။ ပြည့်စုံ သွားလိမ့် မယ်လို့တော့ မထင်ဝံ့ ပါ။
updated 30th March 2012: AATO

Photos:
- Monas - Warsi
- Jakarta Macet - Jarkarta Post
- Cock - (JP/ID Nugroho) Jakarta Post
- Plaza Indonesia - Hkurniawan dari Wikitravel
- Barack Obama Statue - (Jakarta Post, Feb. 24, 2010)

ဆက်ဖတ်ကြည့်မယ်...

ပြန်သိမ်းပေးခဲ့မယ်....