Sunday, May 8, 2011

မြေပုံပေါ်က မျဉ်းကြောင်းကလေး


မလေးရှားနဲ့ အင်ဒိုနီးရှားကျွန်းစု အတွင်းက ဇီဝမျိုးစုံမျိုးကွဲတွေ အကြောင်းပဲ ဖြစ်ဖြစ်၊ ရုက္ခဗေဒဆိုင်ရာ ပဲဖြစ်ဖြစ်၊ ဆင့်ကဲဖြစ်စဉ် ဆိုင်ရာ သီဝရီ တွေပါတဲ့ ဘယ်စာအုပ် ကို မဆို ကောက်ကိုင်လိုက်ရင် အဲလ်ဖရက်ရပ်ဆဲလ်ဝေါလေ့စ် (Alfred Russel Wallace) နဲ့ သူ့ရဲ့ "မျဉ်းကြောင်းကလေး" ကိုသွားသွားရည် ညွှန်းတတ်တာ တွေ့ရတယ်။

ကျနော်တို့ အားလုံး ချားလ်ဒါဝင် (Charles Darwin) နဲ့ သူ့ရဲ့ "သက်ရှိအစ" (Origin of Species) ဆိုတဲ့ စာအုပ်ထဲ က "သက်ရှိနှင့် အပင်တို့ ၏တရွေ့ရွေ့ပြောင်းလဲမှုဖြစ်စဉ်" သီဝရီ ကို ဖတ်ဖူး ကြားဖူးကြတယ်။ ဒါပေမယ့် အဲဒီသီဝရီ ကိုပူးတွဲ ဖော်ထုတ်ခဲ့တဲ့ အဲလ်ဖရက်ရပ်ဆဲလ်ဝေါလေ့စ် ကိုတော့ သဘာဝပါတ်ဝန်းကျင် လေ့လာရေးသမားစစ်စစ် အနည်းအကျဉ်း လောက်ကလွဲလို့ သိပ်သိ ကြမယ်မထင်ဘူး။ သူ့ရဲ့ အထူး စိတ်ဝင်စားရာ နယ်ပယ်က ကမ္ဘာ့ အပင်နှင့် သက်ရှိ တို့၏ ဖြန့်ကြက် ပျံ့နှံ့ ပုံ ကိုသုတေသနလုပ်ခြင်းပဲ။ သူ့ရဲ့ သီဝရီ တွေအတွက် အဓိကကျတဲ့ တွေ့ရှိချက်တွေ ကို အင်ဒိုနီးရှားကျွန်းစု တွေမှာ လုပ်ရင်းတွေ့လာရတာဖြစ်ပါတယ်။ အတိအကျ ဆိုရရင် ဘာလီ (Bali) နဲ့ လွန်ဘွတ် (Lombok) ကျွန်း နှစ်ကျွန်းမှာ လုပ်ခဲ့တာပါ။

အဲလ်ဖရက်ရပ်ဆယ်လ်ဝေါလေ့စ် (၁၈၂၃ - ၁၉၁၃)
ဝေါလေ့ဟာ ကမ္ဘာကြီးကို ပထ၀ီသွင်ပြင်လက္ခဏာ နဲ့ ရာသီဥတု အပေါ်လိုက်ပြီး အပိုင်း ခြောက်ပိုင်းခွဲ ပြီး မြင်တယ်။ အဲဒီ ကွဲပြားတဲ့ ပထ၀ီသွင်ပြင်လက္ခဏာ တွေနဲ့ ရာသီဥတု တွေကြောင့်ပဲ မတူတဲ့ တိရိစ္ဆာန် နဲ့ အပင် ဇီဝအုပ်စု တွေ ဖြစ်ပေါ်စေတာပါပဲ။ သြစတေးလျား နဲ့ အရှေ့တောင်အာရှ ဆက်စပ်နေတဲ့ နေရာတွေ မှာ သူရဲ့ အမြင်ကို ပိုထင်ရှားပေါ်လွင်စေတဲ့ သာဓကတွေ တွေ့လာရတယ်။

အဲဒီမှာ သူ့ရဲ့ နာမည်ကျော် မျဉ်းကြောင်းကလေး ကလေးကိုဆွဲတော့ တာပဲ။ ယနေ့ခေတ်မှာ "ဝေါလေ့စ်ရဲ့မျဉ်းကြောင်းကလေး (Wallace's Line)" လို့ထင်ရှားလာမယ့် မျဉ်းကြောင်းကလေး ဟာ ဖိလစ်ပိုင်ကျွန်းစု ရဲ့အရှေ့တောင်ဘက်ပိုင်း ကနေပြီးတော့ စဆွဲလာလိုက်တာ အင်ဒိုနီးရှား မင်ဒါနောင် (Mindanau) နဲ့ ဆန်ဂီဟေ (Sangihe) ကျွန်းနှစ်ကျွန်းကြား ကနေဖြတ်ပြီးတော့ တောင်ဘက် ကလီမင်တန် (Kalimantan - ဘော်နီယိုကျွန်း လို့လူသိများ) နဲ့ဆူလာဝဆီ (Sulawasi) ကျွန်း နှစ်ကျွန်း ကြားကနေ ဘာလီ နဲ့ လွန်ဘွတ် ကိုဖြာထွက် ပြီး အိန္ဒိယသမုဒ္ဒရာ အတွင်းကို ဆွဲထွက်သွားပါတယ်။

ဝေါလေ့စ်ရဲ့ မျဉ်းကြောင်းကလေး ဟာ အရှေ့တောင်အာရှ အီကွေတာ ရပ်ဝန်း အပူပိုင်း ဇုံ က စတင်ပြီး သြစတေးလျဘက် ကို ကုန်းမြေ၊ အပင်တွေ နဲ့ဇီဝသားငှက် တိရိစ္ဆာန် တွေ ဆက်စပ်ပြောင်း လဲတဲ့ နေရာနဲ့ တရွေ့ရွေ့ဆင့်ကဲပြောင်းလဲလာတဲ့ နေရာဒေသ တွေရဲ့ဗဟိုချက်မ တွေကို အမှတ်အသား ပြုပါတယ်။

ဝေါလေ့စ် ဟာသူ့ရဲ့အလွန် အရေးပါတဲ့ စာအုပ်ဖြစ်တဲ့ (Malay Archipelagos, Land of Orang Utan and the Paradise of Birds, A Narrative of Travel with Studies of Man and Nature: 1868, Macmillan and Co., London) မှာ ဘယ်လိုရေးထားလဲ ဆိုတော့ "အင်ဒိုနီးရှားကျွန်းစု ရဲ့ အပိုင်း နှစ်ပိုင်း ယှဉ်ကြည့်လိုက် တဲ့အခါမှာ အင်မတန်ကွာခြားတဲ့ အချက်က ရုတ်ခြည်း သိသိသာသာ ပြောင်းလဲသွားတဲ့ အခြေအနေ တွေကို ပထ၀ီဝင် အရ အင်မတန် နီးကပ်တဲ့ ဘာလီနဲ့ လွန်ဘွတ်ကျွန်း တွေမှာထင်ထင်ရှားရှားတွေ့နိုင်တယ်"။ ဘာလီမှာ ဆိုရင် ဂါဘယ် (Garble)၊ မြေလူးငှက် (Fruit Thrush) နဲ့ သစ်တောက်ငှက် (Woodpecker) တို့ကိုတွေ့ နိုင်ပေမယ့် လွန်ဘွတ်ကျွန်း မှာ မတွေ့နိုင်တော့ပါဘူး။ ဒါပေမယ့် လွန်ဘွတ်မှာ ပေါခြင်းသောခြင်း တွေ့နိုင်တဲ့ ကတ္တ၀ါ (Cockatoo )၊ ပျားရည်စုပ်ငှက် (Honeysucker) နဲ့ အမြီးပွကြက်ဆင် (Brush-turkey) တို့ကို ဘာလီနဲ့ အနောက်ပိုင်းကျွန်းများ တလျောက်မှာ မတွေ့ရပါဘူး။ ရေလက်ကြားဟာ ဆယ့်ငါးမိုင်ဘဲကွား ခြားပြီး နှစ်နာရီခရီး မျှသာရှိပါတယ် ဒါပေမယ့် ကမ္ဘာကြီးရဲ့ အပိုင်းနှစ်ပိုင်း ဟာ ဥရောပနဲ့ အမေရိက လိုကွာခြားသွားပါပြီ။

အဲဒီမျဉ်းကလေးရဲ့ တဖက် နဲ့ တခြားတဖက်တို့ဟာ လုံးဝဥသုံ ကွားခြားပါတယ်။ ဒါဟာတကယ့် အမှန်တရားပဲ ဖြစ်ပါတယ်။ ပြောရမယ်ဆိုရင် ဘာလီနဲ့ လွန်ဘွတ် ဟာ ကီလိုမီတာ နှစ်ဆယ် မဲ့မဲ့မျှသာ ရှိပေမယ့် တစ်ကျွန်း နဲ့ တကျွန်း သားငှက်တိရိစ္ဆာန်တွေ ဘယ်တုန်းကမှ ကူးလူးသွားလာ ဖို့မတတ်စွမ်းခဲ့ကြပါဘူး။ ဝေါ့လေ့စ် ရှင်းပြထားတာက ဘာလီနဲ့ ဂျာဗားကျွန်းမကြီး ကြားက ရေလက်ကြားဟာ မီတာ နှစ်ရာ အနက်သာရှိပေမယ့်၊ ဘာလီ နဲ့ လွန်ဘွတ်ကြားက ရေလက်ကြားကတော့ မီတာနှစ်ရာ ကနေ မီတာသုံးထောင် အထိ ရှိလို့ပါတဲ့။

အနီးဆုံး ရေခဲခေတ်ကာလက ရေထုဟာ ရေခဲပြင်အောက်မှာ ပိတ်မိနေပြီး ပင်လယ်ရေမျက်နှာပြင် ဟာ ယခုအခြေအနေထက် မီတာတစ်ရာ့ရှစ်ဆယ်မျှနိမ့်ကျ နေခဲ့ပါတယ်။ နိမ့်ကျနေတဲ့ ပင်လယ် ရေမျက်နှာပြင်ကြောင့် မလေးရှား၊ စုမတြား၊ ဂျာဗား နဲ့ ဘာလီ ဟာခြောက်သွေတဲ့ ကုန်းမြေတဆက်တည်း အဖြစ် ရှိနေခဲ့ပါတယ်။ သို့ပေမင့် သြစတေးလျား၊ နယူးဂိနိ နဲ့ နီးစပ်ရာ လွန်ဘွတ် အပါအ၀င်ကျွန်းတွေ ကျတော့ ကုန်းမြေမကြီး အဖြစ် တဆက်တစပ်တည်းဖြစ် နေခဲ့ပါတယ်။ ဘာလီ နဲ့ လွန်ဘွတ်ကြားက နက်ရှိုင်းတဲ့ ရေမြောင်း ကြီးဟာ အဓိကအပိုင်းအခြား အဖြစ် ဖြစ်တည်ခဲ့တာပါ။ အဲဒီရေမြောင်းကြီးဟာ နက်ရှိုင်းရုံသာမကပဲ အင်မတန်လဲ ရေစီးသန်လှပါတယ်။ ဒုတိယကမ္ဘာစစ် အတွင်းက သြစတေးလျ က နေ စင်္ကာပူကို ချီတက် ခုတ်မောင်း လာတဲ့ ရေငုတ်သင်္ဘော ကြီးဟာ ရေစီးကြောင်း အတွင်း မှာ ၁၀ နာရီလောက် တစက်ကလေး မှ မရွေ့ လို့ တိုက်ပွဲ ပုံစံ အသည်းအသန် ထိုးဖောက်ထွက်ခဲ့ရတာ ရှိပါတယ်။

အဲဒီနေရာက စပြီး ပထမဆုံးတွေ့ရမယ့် ပေါ်လီနီးရှန်း ကျွန်းတွေ နဲ့ ကီလိုမီတာ ထောင်ချီပြီး အရှေ့ယွန်းယွန်း ကို ဆက်သွားမယ်ဆိုရင် တောတောင်သစ်ပင်တွေဟာ မိုးသစ်တော တွေလိုမဟုတ်တော့ပဲ ညို မောင်းမောင်း အရောင်တွေ အဖြစ် တွေ့လာရပါမယ်။ ခြုံပုတ် တခုကနေ တခုကို ခုံကျော်ထွက်လာတတတ်တဲ့ သားပိုက်ကောင်တွေ ကို တွေ့ချင်မှ တွေ့ရမှာ ဖြစ်ပေမယ့် ဟိုဘက်အခြမ်းမှာ လုံးဝမရှိတဲ့ သက်ရှိသတ္တ၀ါ အသစ်တွေ ဖြစ်တဲ့ တောဘဲရိုင်းတွေ၊ တောဝက်ကြီးတွေ၊ ပုရွက်ဆိတ်စား ကောင်တွေ၊ အ၀ါရောင်အမောက်နဲ့ ကတ္တ၀ါငှက်တွေ၊ ချဉ်ပေါင်ဖူးရောင် ကြက်တော တွေ နဲ့ ကိုမိုဒိုကျွန်း (Komodo) မှာဆိုရင် တော့ အင်မတန်ကြီးမားတဲ့ ဖွတ်နဂါး ကြီးတွေ ကိုပါတွေ့လာရမှာ ဖြစ်ပါတယ်။


တကယ်တော့ ဝေါလေ့စ်ရဲ့ မျဉ်းကြောင်းကလေးဟာ ကမ္ဘာ့မြေပုံပေါ်မှာ နှစ်ပေါင်းများစွာ မထင်မရှားဖြစ်နေတဲ့ လွန်ဘွတ်ကျွန်း ကို ကမ္ဘာလောက ကြီးရှိ သက်ရှိ တွေနဲ့ အပင် တို့ရဲ့ ဆင့်ကဲဖြစ်စဉ် သီဝရီ တွေ ကိုအခြေပြု ပြီး ထာဝရဆက်သွယ် ပေါင်းကူး ပေးတဲ့ နေရာတခု အဖြစ် အမြဲလေ့လာ ရမည့် နေရာ သဘောမျိုး သတ်မှတ်ပေးလိုက် သလိုပင်။

Ref:
- Wikipidia
- Britannica Online Encyclopedia
- Where World's Collide, Wallace Line by Penny van Oosterzee (Corne Cornell University Press)


Photo:
- http://www.fredlangfordedwards.com/ar_wallace/ar_wallace_malay_archipelago.htm
- http://www.libraries.uc.edu/libraries/arb/exhibits/darwin/wallace_visit.html
- http://justwallpaperdownload.blogspot.com/2011/04/malaysia-rainforest.html
- http://animals.howstuffworks.com/animal-facts/komodo-bite.htm

9 comments:

...အလင်းစက်များ said...

ဘာလီနဲ့  လွန်ဘွတ်ကြား “သားငှက်တိရစ္ဆာန်တွေ” ဖြတ်ကူးနိုင်ဖို့  ဖယ်ရီဘုတ်နဲ့  ခရီးစဉ်ပြေးပေးမယ်လို့  စဉ်းစားထားတယ်... ။ ကြော်ငြာပေးပါဦး... :))) ကိုအေအေတူအို့  အသိဆိုရင် လျော့ဈေးနဲ့  လိုက်လို့ ရအောင် စီစဉ်ပေးပါမယ်လို့  :P ။

သိပ်တော့ နားမလည်ပေမယ့် ကြိုးစားဖတ်သွားတယ်.. ဝေါ့လေစ့်လိုင်းဆိုတာလဲ ခုမှ သိပါတယ်။ ဗုသုတနည်းပါတယ် :(။

Thanks

Nge Naing said...

စိတ်ဝင်တစားဖတ်သွားပါတယ်။ ချားဒါဝင်နဲ့ Wallace's Line သက်ရှိတွေရဲ့ ဖြစ်စဉ်ကို သုံးသပ်တဲ့နေရာမှာ ချားလ်ဒါဝင်နဲ့ ဘယ်နေရာမှာတူပြီး ဘယ်နေရာမှာ ကွဲတယ်ဆိုတာ နည်းနည်းသင်ဖူးတယ်။

မြစ်ကျိုးအင်း said...

သုတလေးတွေ ဖတ်မှတ်သွားပါတယ်ဗျာ။

တောက်ပကြယ်စင် said...

ဗဟုသုတတွေ လာရောက်ဖတ်မှတ်သွားပါတယ်။ ကျန်းမာရွှင်လန်း အေးချမ်းပါစေ...

PhyoPhyo said...

စိတ်ဝင်စားဖို့ကောင်းလိုက်တာ၊
မသိတာတွေ သိလိုက်ရတယ်။

ခွပ်ဒေါင်းမြေ said...

မသိရသေးတာတွေ သိလာရတဲ့ ခရီးသွားကြီးကို ကျေးဇူးတင်ပါတယ်.. မှန်ဘီလူးကြီးကိုလည်း ခဏငှားပါဦးနော်.. အတွဲချောင်းချင်လို့... ၀ါသနာက မှန်ဘီလူး မြင်ရင် မနေတတ်လို့ပါ... ဘာလီကျွန်းကိုလည်း လာလည်ချင်ပါရဲ့ ခရီးသွားကြီးလို အတွဲ ချောင်းချင်လို့ပါ... ဟိဟိ... :P

Anonymous said...

လိုင်းလေးတစ်ခုကွဲသွားတာနဲ့ နေထိုင်မှုစားကျက်တွေ၊ အကောင်မျိုးစိတ်တွေ လုံးဝကွဲပြားခြားနားတာ ကို ထောက်ပြနိုင်တာ အံ့သြဖို့ကောင်းတယ်၊ ပြီးတော့ ကျွန်တော် ဒီအကြောင်းကိုတစ်ခါမှမဖတ်ဖူး ဘူး။ အကိုစာလေးကိုဖတ်ရလို့ ဗဟုသုတရပြီး ကျေးဇူးတင်ပါတယ်။

နိုင်လင်း (WCS)
လဒဆရာ၊ တနိုင်းသူကြီး
(ခေတ္တဟူးကောင်း)

မိုးယံ said...

ဦးလေး တူရဲ့ ပို့စ်တွေက တစ်ကယ် တန်ဖိုးရှိလွန်းလှတယ်။ ဖွတ်နဂါး ကြားဖူး၍ မမြင်ဖူး အခုမှ သိရတယ်.. တစ်ကယ်ဆို ကိုယ်ဟာ ဖွတ်ကြား... ဒါနဲ့ တစ်လက်စတည်း ခရီးသွားကြီးကို မေးရပါဦးမည်။

ကမ္ဘာပေါ်မှာ ရေခဲနဲ့ ရေ ဘယ်ဟာက အရင်လည်း သိချင်တာကို သိလဲ မသိသေးသလို ရှာလဲ မရှာတတ်၍ ကူညီနိုင်က ကူညီပါခင်ဗျာ...

ရေခဲ တွေပျော်ပြီး ရေခဲတွေ ဖြစ်တာလား။ ရေတွေခဲပြီး ရေခဲဖြစ်တာလား။

ရေခဲ အစလော ၊ ရေ အစလော
ကျွန်တော်က ရေခဲ အစ လို့ ထင်နေလို့ပါ။

Unknown said...

Very interesting blog!
Thanks sayar Thomas for sharing knowledge!

License

License
Thank you very much for visiting my blog. I really do. I am trying to write and share my knowledge, experience,information etc etc. I would be very much appreciated for your either encouraging or critical comments to my any post. Furthermore, some photos herein the posts are not mine and perhaps some information too. However I always try to credit or mention the courtesy of the respective owner and/or where I got it from. Anyway please leave your message anything regards to my blog or if you want to use any part of information from my blog. I would follow up thereafter your message, accordingly.
Contact: thomasjrlatt@gmail.com