Monday, August 13, 2018

Tribute to Mr. Robin

လက်ဦးဆရာဖြစ်တဲ့ မိဘနှစ်ပါးပြီးလျှင် ၀လုံးလေးကိုဝိုင်းအောင်ရေးတတ်အောင်သင်ပေးသည့် လည်ပေါ်ကျောင်းက ဆရာမဒေါ်ခင်ရီ နှင့် ဆရာမဒေါ်ခင်စီ အပြင် အခုအသက်အရွယ်အထိ သင်ဆရာမြင်ဆရာ၊ ကြားဆရာ အားလုံးတို့ကို သတိရလျှင်ရသလို ဦးခိုက်ဂါရ၀ပြုရပါတယ်။ ကျွန်တော့် ဘ၀မှာ အမှတ်ထင်ထင် စိတ်ထဲနှလုံးသားထဲ အမြဲစွဲကျန်နေတဲ့ ဆရာများစွာရှိတဲ့ အထဲမှာ ဆရာဦးသန်းလွင် (a.k.a) Mr. Robin Guy တစ်ယောက်လဲ အပါအ၀င်ဖြစ်ပါတယ်။ ဆရာ နဲ့ ကျွန်တော်နဲ့ တိုက်ရိုက်ပါတ်သက်မှု့ ကတော့ ၂/၂၀၀၁ ဧည့်လမ်းညွှန်သင်တန်း နှင့် ခရီးသွားလုပ်ငန်းစီမံခံ့ခွဲမှု ပထမဆုံးအပါတ်စဉ်များမှာ ဆရာက ဟိုတယ်လုပ်ငန်းအကြောင်းသင်သည့်ဆရာဖြစ်ပြီး ကျွန်တော်က သင်တန်းသားသာ ဖြစ်ပါတယ်။ လုပ်ငန်းသဘောအရ နယ်ပယ်ပေါင်းစုံက ပညာရပ်ဆိုင်ရာ အထူးပြုကျွမ်းကျင်သူ ဆရာ၊ဆရာမတွေ၊ အစိုးရဌာနအကြီးအကဲတွေ လာရောက်သင်ကြားသည့် အဆိုပါသင်တန်းများမှာ ဆရာဦးသန်းလွင်ကို သတိထားမိသည့် အချက်များစွာထဲမှာ သူ့ရဲ့ ပွယောင်းယောင်းတိုက်ပုံ နဲ့ ခင်မင်နှစ်လိုဖွယ်ရာ အပြုံး တို့ဟာအထူးခြားဆုံးလို့ ကျွန်တော်ထင်တယ်။
"ဟိုတယ်ဆိုတာ လူတွေတည်းလို့ရတယ်၊ အစားအသောက်စားလို့ ရတယ်" လောက်သာ ဟိုတယ်နှင့်ပတ်သက်တဲ့ ဗဟုသုတ ရှိတဲ့ ကျွန်တော်တို့လို သင်တန်းသားတွေကို ဟိုတယ်အကြောင်း၊ ၀န်ဆောင်မှု့အကြောင်း၊ ဟိုတယ်တစ်လုံးလည်ပတ်အောင် အချိတ်ဆက်မိမိ လုပ်ဆောင်ကြရတဲ့ ဟိုတယ်တစ်ခုရဲ့ ဌာနတွေအကြောင်းကို အသေးစိတ် စိတ်ရှည်လက်ရှည်သင်ပြပေးပါတယ်။ ဟိုတယ်မှာသုံးတဲ့ အသုံးအဆောင်ပစ္စည်းတွေရဲ့ အခေါ်အဝေါ် ကိုစာရွက်တွေ တစ်ထပ်ကြီးမိတ္တူကူြး့ပီး ဝေပါတယ်။ ဆရာပေးတဲ့ စာရွက်စာတမ်းတွေအများကြီးကို တခြားဆရာတွေပေးတဲ့စာရွက်စာတမ်းနည်းတူ အမြတ်တနိုးသိမ်းထားခဲ့ပေမယ့် ဘ၀ရဲ့ အလှည့်အပြောင်းတွေကြောင့် တခြားအဖိုးတန်စာအုပ်စာတမ်းများ လို ပျောက်ရှ ပျက်စီးခဲ့ပါပြီ။ ဒါပေမယ့် ဆရာ့ သင်ကြားမှု့ ကပေးတဲ့ ဗဟုသုတ တစိတ်တဒေသကတော့ ယနေ့အချိန်အထိ လုပ်ငန်းခွင်အတွင်းမှာ အသုံးကျပြီး အသုံးကျနေဆဲပါ။ ခရီးသွားလုပ်ငန်းနယ်ပယ်မှာ ကျင်လည်နေရသူတစ်ဦးအနေနဲ့ ဟိုတယ်နဲ့ ပတ်သက်တဲ့ အသိပညာ က နိုင်ငံရပ်ခြားမှာအထိ ရင်ကော့ပြီးယုံကြည်မှု့အပြည့်နဲ့ ပြောနိုင်ဆိုနိုင်လုပ်ကိုင်နိုင်ခဲ့တာ ဆရာ့ကျေးဇူးတွေပဲ ဖြစ်ပါတယ်။
ရက်အနည်းငယ်နောက်ကျပြီးမှ ဖတ်လိုက်ရတဲ့ သြဂုတ်လ ၈ရက်နေ့ထုတ်ကြေးမုံသတင်းစာမှာ ဆရာ့ရဲ့နာရေးကြော်ငြာဖတ်လိုက်ရပါပြီ။ ခရစ်တော်၌ အိပ်ပျော်ခြင်း..တဲ့။ ဆရာက စိတ်ကောင်းရှိပြီး စေတနာထားတော့ ဆရာတို့ဘာသာအရဆိုရင် ကောင်းကင်ဘုံမှာ သရဖူဆောင်းရမယ်လို့ ယုံကြည်ပါတယ်။ ဆရာကောင်းရာသုဂတိလားပါစေ..။ 


ဒုတိယပိုင်း ဖျောက်ထားမည့်စာ

0 comments:

License

License
Thank you very much for visiting my blog. I really do. I am trying to write and share my knowledge, experience,information etc etc. I would be very much appreciated for your either encouraging or critical comments to my any post. Furthermore, some photos herein the posts are not mine and perhaps some information too. However I always try to credit or mention the courtesy of the respective owner and/or where I got it from. Anyway please leave your message anything regards to my blog or if you want to use any part of information from my blog. I would follow up thereafter your message, accordingly.
Contact: thomasjrlatt@gmail.com